پاکستان کرکٹ ٹیم کے سابق کپتان شاہد آفریدی نے کہا ہے کہ کچھ شر پسند یہ تاثر دینے کی کوشش کر رہے ہیں کہ میں پیٹرول کی قیمتوں میں اضافے کا دفاع کر رہا ہوں۔
سماجی رابطوں کی سائٹ ایکس پر اپنے بیان میں انہوں نے وضاحت دیتے ہوئے کہا کہ حقیقت یہ ہے کہ یہ ویڈیو حالیہ اضافے سے پہلے بنائی گئی تھی۔ یہ صرف توانائی کے بچت اور کم استعمال کے بارے میں آگاہی ویڈیو تھی، جو وزارتِ اطلاعات عطا تارڑ کی درخواست پر تیار کی گئی۔
کچھ شر پسند عناصر میری پرانی ویڈیو شیئر کر کے غلط تاثر دینے کی کوشش کر رہے ہیں کہ میں پیٹرول کی قیمتوں میں اضافے کا دفاع کر رہا ہوں۔
حقیقت یہ ہے کہ یہ ویڈیو حالیہ اضافے سے پہلے بنائی گئی تھی۔ یہ صرف توانائی کے بچت اور کم استعمال کے بارے میں آگاہی ویڈیو تھی، جو وزارتِ اطلاعات…— Shahid Afridi (@SAfridiOfficial) April 3, 2026
ان کا مزید کہنا تھا کہ قیمتوں میں حالیہ اضافہ پسی ہوئی عوام کی کمر توڑ کر رکھ دے گا جسکا دفاع ممکن نہیں۔ کم عقل اور کم علم دوستوں کے لیے وضاحت ہے کہ اس پیغام کو مذموم سیاسی مقاصد کے لیے استعمال کرنا طور پر توڑ مروڑ کر عوام کو گمراہ کرنے کی کوشش شرم ناک ہے۔
واضح رہے کہ شاہد آفریدی نے پرانی ویڈیو میں کہا کہ جنگ کی وجہ سے دنیا میں توانائی کے بحران پیدا ہوئے ہیں اور پاکستان کئی ممالک کے مقابلے میں بہتر پوزیشن میں ہے۔ اس لیے حکومت کے اقدامات پر عمل کرنا ضروری ہے تاکہ ترقی کی راہ میں کوئی رکاوٹ نہ آئے۔
