پاکستان تحریک انصاف (پی ٹی آئی) نے سینیٹ کے ضمنی انتخاب کے لیے 9 رکنی پارلیمانی بورڈ کا اعلان کر دیا ہے۔
پارٹی کے اعلامیے کے مطابق وزیراعلیٰ خیبرپختونخوا محمد سہیل آفریدی اس بورڈ کے چیئرمین کے طور پر خدمات انجام دیں گے۔
بورڈ میں صوبائی اسمبلی کے اسپیکر بابر سلیم سواتی، اکبر ایوب خان، پارٹی کے چیئرمین بیرسٹر گوہر علی خان اور علی اصغر خان بھی شامل ہیں۔
اعلامیے کے مطابق دیگر ارکان میں محمد عاطف خان، شاہد خان خٹک، صبغت اللہ خان اور علی خان جدون شامل ہیں۔
میڈیا رپورٹس کے مطابق سابق صوبائی وزیر شوکت علی یوسفزئی نے بھی سینیٹ کے ضمنی انتخاب کے لیے ٹکٹ کے حصول کی درخواست جمع کرائی ہے۔
واضح رہے کہ سینیٹ کی یہ نشست پی ٹی آئی رہنما مراد سعید کی نااہلی کے باعث خالی ہوئی ہے۔
