موجودہ بارش اور بادل قدرتی نہیں مصنوعی ہیں، مشی خان شرط لگانے کو بھی تیار

پاکستانی ٹی وی میزبان اور اداکارہ مشی خان نے موجودہ موسم کے حوالے سے دعویٰ کیا ہے کہ یہ قدرتی موسم نہیں بلکہ مصنوعی بادل ہیں۔

مشی خان نے کہا کہ وہ شرط لگانے کے لیے بھی تیار ہیں کہ یہ قدرتی بادل نہیں ہیں۔ ان کے مطابق، قدرتی موسم میں اس طرح کی غیر معمولی تبدیلیاں نہیں ہوتیں۔ انہوں نے مزید کہا کہ عام طور پر قدرتی بارش کے بعد موسم صاف ہو جاتا ہے لیکن حالیہ دنوں میں دیکھا گیا ہے کہ پانچ منٹ میں اندھیرا چھا جاتا ہے، بارش شروع ہو جاتی ہے اور آدھے گھنٹے میں دھوپ نکل آتی ہے۔

Actress Mishi Khan has accused the government for alleged artificial weather modifications 🔥 pic.twitter.com/gnBh1zl7bn

— Murtaza Ali Shah (@MurtazaViews) April 6, 2026

ان کا کہنا تھا کہ میں شرط لگانے کے لیے تیار ہوں کہ یہ قدرتی بادل نہیں ہیں، موسم میں گڑ بڑ ہے اور اس کا کچھ دن میں پتہ چل جائے گا۔ صارفین مشی خان کے اس بیان کے بعد ان پر تنقید کرتے نظر آئے۔ ایک سوشل میڈیا صارف کا کہنا تھا کہ مشی خان کو اب تو بادلوں اور بارشوں میں بھی پنجاب حکومت کی سازش نظر آنے لگی ہے۔

شخصیت پرست مشی خان کو اب تو بادلوں اور بارشوں میں بھی پنجاب حکومت کی سازش نظر آنے لگی۔🤣

لیکن آ پ Believe کریں کہانی یہیں تک نہیں رکے گی کیونکہ مشی خان کا اس پر ڈیڈرے لمکا کر وضاحتی بیان آ نا ابھی باقی ہے۔🤣 pic.twitter.com/2RhdzFT6qz

— Karachi da Patwari (@MS_Pml_n) April 7, 2026

کئی صارفین نے کہا کہ اسی لیے کہتے ہیں تعلیم بہت ضروری ہے جبکہ کوئی یہ کہتا نظر آیا کہ مشی خان کا ذہنی توازن بگڑ گیا ہے۔