مشرقِ وسطیٰ میں جنگ بندی کے اعلان کے بعد عالمی سطح پر پاکستان کو غیر معمولی توجہ حاصل ہو رہی ہے جبکہ سوشل میڈیا پلیٹ فارمز پر بھی ’سیزفائر‘ نمایاں ٹرینڈ بن چکا ہے۔
سوشل میڈیا صارفین اور ماہرین کی جانب سے اس پیش رفت کو مثبت قرار دیتے ہوئے کہا جا رہا ہے کہ عالمی امن کے لیے پاکستان کا کردار نہایت اہمیت اختیار کر گیا ہے۔ مختلف حلقوں کا کہنا ہے کہ یہ امر قابلِ تحسین ہے کہ امن کے قیام سے متعلق اہم فیصلوں میں پاکستان کا نام نمایاں طور پر سامنے آ رہا ہے۔
یہ بھی پڑھیں: آج شہباز شریف نہیں ’شاباش شریف‘، کامیاب سفارتکاری پر پاکستانی فنکار بھی میدان میں
دوسری جانب صارفین نے پاکستانی حکومت اور عسکری قیادت کی کوششوں کو سراہتے ہوئے انہیں عالمی امن کا سفیر قرار دیا ہے۔ اوورسیز پاکستانیوں نے بھی اس صورتحال پر اطمینان اور فخر کا اظہار کرتے ہوئے کہا ہے کہ وہ پاکستانی ہونے پر خود کو سربلند محسوس کر رہے ہیں۔
امریکا میں پاکستان کی سابق سفیر اور بین الاقوامی امور کی ماہر ڈاکٹر ملیحہ لودھی نے کہا کہ پاکستان کی ثالثی اور سفارتی کوششوں کے نتیجے میں عالمی تنازع میں جنگ بندی ممکن ہوئی جو پوری قوم کے لیے فخر کا لمحہ ہے۔تاہم بڑے چیلنجز ابھی باقی ہیں کیونکہ جنگ بندی صرف عارضی وقفہ ہے۔
ان کا مزید کہنا تھا کہ اب امریکا اور ایران کے درمیان جامع معاہدہ ضروری ہے۔ البتہ اسرائیل اب بھی معاہدے میں رخنہ ڈالنے والا عنصر ثابت ہو سکتا ہے۔
Pakistan saves the day! A moment of pride for the country! A bigger challenge still lies ahead as the pause in hostilities has to produce a comprehensive agreement between the US and Iran. Of course Israel could still be a spoiler.
— Maleeha Lodhi (@LodhiMaleeha) April 8, 2026
سعدیہ احمد لکھتی ہیں کہ ایک پاکستانی ہونے کے ناطے جب پاکستان کو دنیا بھر میں سراہا جاتا ہے تو خوشی اور فخر کا احساس بالکل منفرد ہوتا ہے۔
Being a Pakistani, the happiness and pride hit differently when Pakistan is appreciated worldwide.
— Sadia Ahmed (@SadiaTheSadia) April 7, 2026
نعمان عبدالماجد نے کہا کہ پاکستان ایک عالمی امن ساز اور قابلِ اعتماد ثالث کے طور پر ابھر کر سامنے آیا ہے۔ یہ پوری قوم کے لیے ایک عظیم کامیابی ہے۔ ساتھ ہی انہوں نے پاکستان زندہ باد کا نعرہ لگایا۔
Pakistan has emerged as a global peacemaker and reliable negotiator amidst this conflict. Great achievement for the entire nation. Pakistan 🇵🇰 Zindabad.
— Noaman Abdul Majid (@NoamanAMajid) April 7, 2026
حسین حقانی نے پاکستان کی تعریف کرتے ہوئے کہا کہ جنگ بندی کے لیے پاکستان کی کاوشیں قابل تحسین ہیں، انہوں نے دنیا میں امن قائم کرنے پر پاکستان کے کردار کو سراہا۔
“Blessed are the peacemakers…” 🇵🇰
— Husain Haqqani (@husainhaqqani) April 7, 2026
مہر تارڑ لکھتی ہیں کہ اللہ کرے کہ یہ دو ہفتے کی جنگ بندی اس خوفناک جنگ کے خاتمے کا آغاز بنے۔ امن ہمیشہ قائم رہے۔
May this two-week ceasefire turn into the end of this terrifying war
Peace always
— Mehr Tarar (@MehrTarar) April 7, 2026
چیئرمین یورپین پاک فرینڈشپ فیڈریشن پرویز اقبال لوسر نے کہا کہ آج پاکستان کا نام دنیا میں سر بلند ہوا۔ دنیا میں تیسری عالمی جنگ چھڑنے والی تھی، فیلڈ مارشل عاصم منیر نے جنگ بندی میں اہم کردار ادا کر کے دنیا کو 200 سال پیچھے جانے سے بچا لیا۔ دنیا میں امن کے لیے پاک فوج نے بھرپور کردار ادا کیا اور جب ہم پر جنگ مسلط کی گئی تو پاک فوج نے دشمن کو منہ توڑ جواب دیا۔
آج پاکستان کام نام دنیا میں سر بلند ہوا۔ دنیا میں تیسری عالمی جنگ چھڑنے والی تھی، فیلڈ مارشل عاصم منیر نے جنگ بندی میں اہم کردار ادا کر کے دنیا کو 200 سال پیچھے جانے سے بچا لیا۔ دنیا میں امن کے لیے پاک فوج نے بھرپور کردار ادا کیا، اور جب ہم پر جنگ مسلط کی گئی تو پاک فوج نے دشمن… pic.twitter.com/3ADnv8zjaC
— WE News (@WENewsPk) April 8, 2026
