وزیراعظم پاکستان شہباز شریف نے اسلام آباد مذاکرات کے آغاز پر چین، سعودی عرب، ترکیہ، مصر اور قطر سمیت برادر ملکوں کا شکریہ ادا کیا ہے، جنہوں نے جنگ بندی کے حصول اور تنازع کے پائیدار حل کے لیے پرامن سفارتی کوششوں میں بھرپور تعاون فراہم کیا۔
سماجی رابطے کی سائٹ ایکس پر ایک بیان میں وزیراعظم شہباز شریف نے خلیج تعاون کونسل کے ممالک کی بھی تعریف کی اور کہاکہ ان کا مستقل تعاون اور خطے میں امن و استحکام کے لیے عزم ہمارے اقدامات کے لیے نہایت اہمیت رکھتا ہے۔
As we proceed to *Islamabad Talks*, I wish to extend our deepest and sincere gratitude to our brotherly countries People’s Republic of China, Kingdom of Saudi Arabia, Republic of Türkiye, Arab Republic of Egypt and State of Qatar for extending invaluable and all out support…
— Shehbaz Sharif (@CMShehbaz) April 8, 2026
انہوں نے کہاکہ تمام برادر ملکوں اور امریکا کی قیادت نے امن کے لیے غیر معمولی حکمت، دور اندیشی اور صبر کا مظاہرہ کیا۔
وزیراعظم نے دنیا بھر میں تمام شراکت داروں اور دوستوں کا بھی شکریہ ادا کیا، جنہوں نے پاکستان کی عالمی امن کے لیے خلوص بھری کوششوں کو تسلیم کیا۔
شہباز شریف نے زور دیا کہ سب کو مل کر خطے اور دنیا میں پائیدار امن کے قیام کے لیے کام کرنا ہوگا۔
