میرے والد کو کچھ نامعلوم افراد اٹھا کر لے گئے، حماد اظہر کی ٹوئٹ

پاکستان تحریک انصاف (پی ٹی آئی) کے سینیئر رہنما حماد اظہر نے کہا ہے کہ میر والد میاں اظہر کو پولیس اور کچھ نامعلوم افراد نے گھر سے اٹھا لیا ہے۔

سماجی رابطے کی ویب سائٹ پر اپنی ایک ٹوئٹ میں انہوں نے لکھا کہ میرے والد کی عمر 82 سال ہے اور صحت بھی خراب ہے جن کو کچھ افراد نا معلوم مقام پر لے گئے ہیں۔

My father, Mian Muhammad Azhar, 82 years of age with multiple health conditions, has just been taken by police and some unknown people to an undisclosed location.

— Hammad Azhar (@Hammad_Azhar) June 4, 2023

واضح رہے کہ 9 مئی کے واقعات کے بعد جہاں توڑ پھوڑ اور جلاؤ گھیراؤ کرنے والوں کے خلاف کارروائیاں کی جا رہی ہیں وہیں پی ٹی آئی کی لیڈر شپ کے ساتھ ہمدردی رکھنے والوں کے گرد بھی گھیرا تنگ کیا جا رہاہے۔

یہ بھی پڑھیں 9 مئی واقعات، سابق سینیئر وزیر پنجاب اسلم اقبال کے گرد گھیرا تنگ، بھائی کو گرفتار کر لیا گیا

عمران خان کی القادر ٹرسٹ کیس میں گرفتاری کے بعد پیش آنے والے واقعات کی بنیاد پر اب تک درجنوں رہنما پی ٹی آئی کو خیر باد کہہ چکے ہیں اور یہ سلسلہ ابھی تک جاری ہے۔