صدر مملکت آصف علی زرداری نے فیفا سیریز 2026 میں پاکستان ویمنز فٹ بال ٹیم کو ان کی 0-8 سے تاریخی فتح پر مبارکباد پیش کی ہے۔
یہ بھی پڑھیں: پاکستان ویمن فٹبال ٹیم پہلی بار فیفا سیریز میں شامل
صدر مملکت نے اس شاندار کامیابی کو قومی فخر کا لمحہ قرار دیتے ہوئے کہا کہ یہ جیت پاکستان میں خواتین کے فٹ بال کے بڑھتے ہوئے ٹیلنٹ اور روشن مستقبل کی عکاس ہے۔
President Asif Ali Zardari congratulates Pakistan Womens’ Football Team on their historic 8-0 victory in the FIFA Series 2026, calling it a moment of national pride and a strong signal of the rising potential of womens’ football in Pakistan 🇵🇰
— The President of Pakistan (@PresOfPakistan) April 10, 2026
انہوں نے کھلاڑیوں کی محنت اور لگن کو سراہتے ہوئے امید ظاہر کی کہ پاکستانی خواتین کھلاڑی مستقبل میں بھی اسی طرح بین الاقوامی سطح پر ملک کا نام روشن کرتی رہیں گی۔
یاد رہے کہ آئیوری کوسٹ میں کھیلی جانے والی سیریز میں پاکستان ویمنز نے ٹرکس اینڈ کیکوس آئی لینڈز کے خلاف 8 گول سے تاریخی کامیابی حاصل کر لی، اس میچ میں پاکستان نے اپنی سب سے بڑی جیت کا ریکارڈ بھی توڑا۔
یہ بھی پڑھیں: فیفا نے پاکستان فٹبال فیڈریشن کی رکنیت ایک بار پھر کیوں معطل کردی؟
کھیل کے پہلے ہاف کے خاتمے تک پاکستان کو 4 گول کی سبقت حاصل تھی، دوسرے ہاف میں 4مزید گول کرکے پاکستان نے اپنی جیت پر مہر لگائی۔
لیلی بنارس، اقصیٰ مشتاق اور مریم محمودنے دو دو مرتبہ گیند کو جال میں پہنچایا جبکہ نادیہ خان اور اسرا خان نے ایک ایک گول کیا۔
