پاکستان کی معروف گلوکارہ قرۃ العین بلوچ نے شادی کو ’وقت کا ضیاع‘ قرار دے دیا۔
قرۃ العین بلوچ نے حال ہی میں میزبان توثیق حیدر کے ساتھ ایک انٹرویو میں شادی کے ادارے پر گفتگو کرتے ہوئے کہا کہ تحقیقات کے مطابق مردوں کو شادی سے خواتین کے مقابلے میں زیادہ فائدہ حاصل ہوتا ہے جبکہ شادی کے بعد خواتین کی خوشی کی سطح میں کمی دیکھی گئی ہے۔
View this post on Instagram
گلوکارہ نے کہا کہ ان کے خیال میں شادی اکثر خواتین کے لیے خوشی میں اضافے کے بجائے مشکلات کا باعث بنتی ہے اور اسی بنیاد پر انہوں نے اسے ’وقت کا ضیاع‘ قرار دیا۔
ان کے اس بیان کے بعد سوشل میڈیا پر ملا جلا ردعمل سامنے آیا۔ متعدد صارفین نے ان کے مؤقف پر سوال اٹھاتے ہوئے کہا کہ ان دعوؤں کی بنیاد درست نہیں ہے۔ دوسری جانب کچھ صارفین نے ان کے حق میں بھی آواز اٹھائی کہ وہ بالکل درست کہہ رہی ہیں اور انہوں نے اپنی ذاتی رائے کا اظہار کیا ہے جسے متنازع بنانے کی ضرورت نہیں۔
