بھارت کے ریٹائرڈ میجر گورو آریہ نے ایک بھارتی ٹی وی پروگرام میں گفتگو کرتے ہوئے اسرائیل کی پالیسیوں کی کھل کر حمایت کا اظہار کیا ہے۔ پروگرام کے دوران انہوں نے کہا کہ بھارت اسرائیل کا وکیل نہیں بلکہ سگے بھائی ہیں اور اسرائیل کی جانب سے لبنان اور غزہ میں کی جانے والی کارروائیوں کی تائید کرتے ہیں۔
حال ہی میں ایک بھارتی ٹی وی پروگرام میں گورو آریہ پاکستانی اینکر مونا عالم کے ہمراہ شریک ہوئے۔ جس پر مونا عالم نے طنزیہ انداز میں کہا کہ ’اسرائیل کے وکیل آ گئے ہیں‘ اور ان پر الزام عائد کیا کہ وہ بظاہر ایران کے حامی بنتے ہیں لیکن درحقیقت ایران کے سب سے بڑے دشمن ہیں۔
Indian tv anchors are openly asking Israel to bomb more on Lebanon and Gaza! pic.twitter.com/wGI8FQUMvc
— Ashok Swain (@ashoswai) April 14, 2026
اس پر میجر گورو آریہ نے تلملاتے ہوئے جواب دیا کہ وہ اسرائیل کے وکیل نہیں بلکہ اس کے سگے بھائی ہیں۔ انہوں نے مزید کہا کہ وہ اسرائیل کی جانب سے لبنان اور غزہ میں جاری کارروائیوں کی حمایت کرتے ہیں اور اسرائیل لبنان پر 100 بم اور مارے، غزہ کے اوپر 50 اور مارے۔
مونا عالم نے اس بیان پر ردعمل دیتے ہوئے خبردار کہا کہ دیکھنا بچ کر رہنا ایران آپ کے اسٹوڈیو میں کوئی میزائل نہ آجائے اور صورت میں پاکستان آپ کو نہیں بچائے گا۔
