میئر لندن صادق خان نے ایران اور امریکا کے درمیان مذاکرات کے تناظر میں وزیراعظم شہباز شریف کی کاوشوں کو سراہتے ہوئے کہا ہے کہ وہ اس حوالے سے داد کے مستحق ہیں اور انہوں نے امن کے قیام کے لیے غیرمعمولی قیادت کا مظاہرہ کیا۔
ٹریفالگر اسکوائر میں ویساکھی کی تقریب کے موقع پر نجی ٹی وی سے گفتگو کرتے ہوئے صادق خان کا کہنا تھا کہ امریکی نائب صدر کا پاکستان کا دورہ بھی شہباز شریف کی سفارتی کوششوں کا نتیجہ ہے۔
انہوں نے کہاکہ عالمی برادری کی خواہش ہے کہ ایران اور امریکا کے درمیان جنگ بندی مستقل بنیادوں پر قائم رہے، اور اس مقصد کے لیے سفارتکاری نہایت اہم کردار ادا کرتی ہے، جبکہ تنازعات کو پُرامن اور خوش اسلوبی سے حل کیا جانا چاہیے۔
صادق خان نے مزید کہاکہ ڈونلڈ ٹرمپ عموماً کم ہی کسی کی تعریف کرتے ہیں، اس لیے ان کی جانب سے وزیراعظم شہباز شریف اور فیلڈ مارشل عاصم منیر کی تعریف پاکستان کی عالمی اہمیت کو اجاگر کرتی ہے۔
