پاکستان اسٹاک ایکسچینج میں جمعرات کے روز فروخت کا دباؤ برقرار رہا، جس کے باعث بینچ مارک کے ایس ای 100 انڈیکس 2,400 سے زائد پوائنٹس کی کمی کے ساتھ بند ہوا۔
ٹریڈنگ کے آغاز ہی سے کے ایس ای-100 انڈیکس پر فروخت کا دباؤ دیکھا گیا، جس نے مارکیٹ کو مسلسل نیچے کی جانب دھکیل دیا۔
یہ بھی پڑھیں: اسٹاک مارکیٹ بلند ترین سطح پر پہنچ کر مندی سے دوچار، کیا معیشت خطرے میں ہے؟
صبح کے اواخر سے دوپہر تک گراوٹ کی رفتار نسبتاً سست مگر برقرار رہی، تاہم ابتدائی دوپہر میں انڈیکس تیزی سے گر کر انٹرا ڈے کم ترین سطح 168,416.02 تک پہنچ گیا۔
ٹریڈنگ سیشن کے آخری لمحات میں مارکیٹ نے معمولی بحالی کی کوشش کی، لیکن اختتام پر بینچ مارک انڈیکس 169,173.37 پوائنٹس پر بند ہوا، جو 2,405.93 پوائنٹس یعنی 1.40 فیصد کمی کو ظاہر کرتا ہے۔
Market is down at midday 🔻
⏳ KSE 100 is negative by -145.78 points (-0.08%) at midday trading. Index is at 173,010.01 and volume so far is 158.85 million shares (12:00 PM) pic.twitter.com/xyufmlwtxh— Investify Pakistan (@investifypk) April 22, 2026
گزشتہ روز یعنی بدھ کو بھی پاکستان اسٹاک ایکسچینج میں سرمایہ کاروں کا رجحان منفی رہا، اس کے نتیجے میں کے ایس ای 100 انڈیکس 1,576.48 پوائنٹس یعنی 0.91 فیصد کمی کے ساتھ 171,579.31 پر بند ہوا۔
امریکا اور ایران کے درمیان جاری مذاکرات سے متعلق غیر یقینی صورتحال، بڑھتی ہوئی جغرافیائی کشیدگی اور کسی ممکنہ پیش رفت کی کمی نے مارکیٹ کے اعتماد کو متاثر کیا۔
بین الاقوامی سطح پر، جمعرات کو ایشیائی اسٹاک مارکیٹس میں تیزی دیکھی گئی، جہاں جاپان، جنوبی کوریا اور تائیوان میں ریکارڈ بلند سطحیں حاصل ہوئیں۔
مزید پڑھیں: اسلام آباد مذاکرات کی غیر یقینی صورتحال، اسٹاک ایکسچینج میں مندی، انڈیکس 1576 پوائنٹس گر گیا
سرمایہ کاروں نے خلیج میں شپنگ مسائل کے باعث بڑھتی ہوئی تیل کی قیمتوں کو نظر انداز کرتے ہوئے مضبوط کارپوریٹ نتائج پر توجہ مرکوز رکھی۔
امریکا میں گزشتہ شب ایس اینڈ پی 500 میں 1 فیصد جبکہ نیسڈیک میں 1.6 فیصد اضافہ ہوا اور دونوں انڈیکس نئی ریکارڈ سطح پر بند ہوئے۔
بہتر مالی نتائج کے آغاز نے توانائی کی بڑھتی قیمتوں کے باوجود امریکی صارفین کی معیشت سے متعلق خدشات کو کم کیا۔
دوسری جانب تیل کی قیمتوں میں مسلسل چوتھے روز اضافہ ہوا۔، ایران نے بدھ کے روز آبنائے ہرمز کے راستے خلیج سے نکلنے کی کوشش کرنے والے 2 کنٹینر جہازوں کو تحویل میں لے لیا.
جس سے اس اہم آبی گزرگاہ پر ایرانی گرفت مزید مضبوط ہو گئی، جبکہ جنگ بندی کی نازک صورتحال برقرار ہے۔
جاپان کے علاوہ ایم ایس سی آئی کے ایشیا پیسیفک شیئرز کے وسیع انڈیکس میں 1 فیصد اضافہ ہوا اور یہ نئی ریکارڈ سطح پر پہنچ گیا۔
مزید پڑھیں: امریکا ایران جنگ بند کروا کر پاکستان نے عالمی معیشت کو کتنا فائدہ پہنچایا؟
جاپان، جنوبی کوریا اور تائیوان کی مارکیٹس مسلسل دوسرے روز بھی نئی بلندیوں پر رہیں، جہاں نکی انڈیکس 60,000 کی سطح عبور کر گیا۔
چین کے بلیو چِپ شیئرز میں 0.3 فیصد اضافہ ہوا، جبکہ ہانگ کانگ کے ہینگ سینگ انڈیکس میں 0.3 فیصد کمی ریکارڈ کی گئی۔
