صدرِ مملکت آصف علی زرداری 5 روزہ سرکاری دورے پر چین روانہ ہو گئے ہیں، صدر مملکت کا یہ دورہ یکم مئی تک جاری رہے گا۔
یہ بھی پڑھیں: صدر زرداری کے حالیہ دورۂ چین نے دونوں ممالک کی دوستی کو نئے باب دیے، چینی سفیر
صدرِ مملکت کی لاہور ایئرپورٹ سے روانگی کے موقع پر گورنر پنجاب سردار سلیم حیدر خان نے انہیں الوداع کیا اور دورے کی کامیابی کے لیے نیک تمناؤں کا اظہار کیا۔
اپنے اس پانچ روزہ دورے کے دوران صدر آصف علی زرداری چین کی اعلیٰ قیادت سے ملاقاتیں کریں گے، جن میں دوطرفہ تعلقات، اقتصادی تعاون پر تفصیلی تبادلہ خیال کیا جائے گا۔
یہ بھی پڑھیں: چین کے ساتھ مختلف شعبوں میں وسیع تر تعاون کے خواہاں ہیں، صدر آصف علی زرداری
صدر کا یہ دورہ پاک چین تزویراتی شراکت داری کو مزید مستحکم کرنے اور مختلف شعبوں میں تعاون کے نئے مواقع تلاش کرنے کے حوالے سے انتہائی اہمیت کا حامل ہے۔
