عالمی ادارہ صحت نے پاکستان اور اس کے شراکت داروں پر زور دیا ہے کہ وہ ملیریا کے دوبارہ پھیلاؤ کو روکنے کے لیے اپنی کوششیں تیز کریں، خبردار کرتے ہوئے کہا کہ حالیہ کامیابیاں ابھی بھی نازک ہیں، اگرچہ گزشتہ سال کیسز میں کمی دیکھی گئی۔
ملیریا کے عالمی دن کے موقع پر کی گئی اس اپیل میں عالمی ادارہ صحت کا کہنا ہے کہ پاکستان میں 2025 کے دوران ملیریا کے کیسز میں 2024 کے مقابلے میں 10 فیصد کمی ہوئی ہے۔
یہ بھی پڑھیں: ملیریا سے کیسے محفوظ رہا جاسکتا ہے؟ علامات اور علاج کیا ہے؟
‘تاہم اس کے باوجود تقریباً 18 لاکھ کیسز رپورٹ ہوئے، جو 2022 کے موسمیاتی سیلاب کے بعد پیدا ہونے والی صورتحال کے اثرات کی عکاسی کرتے ہیں۔’
پاکستان میں ملیریا کے کیسز میں نمایاں اضافہ دیکھا گیا، جو 2021 میں 3 لاکھ 99 ہزار 97 سے بڑھ کر 2023 میں 27 لاکھ کی بلند ترین سطح تک پہنچ گئے تھے۔
Thanks to science, we can seize the opportunity to protect lives now and fund a malaria-free future for our children and our grandchildren.
We can and we must act now.#WMD2026 #NowWeCanNowWeMust #MalariaFree #ZeroMalaria pic.twitter.com/s4A3wom3mP— WHO Pakistan (@WHOPakistan) April 25, 2026
اب بھی یہ بیماری زیادہ تر بلوچستان، دیہی سندھ اور خیبر پختونخوا کے بعض علاقوں میں پائی جاتی ہے۔
عالمی ادارہ صحت کے مطابق پیش رفت کو موسمیاتی دباؤ، 5.4 ارب ڈالر کے عالمی فنڈنگ گیپ اور بین الاقوامی صحت امداد میں کمی جیسے عوامل سے خطرات لاحق ہیں۔
مزید پڑھیں: ملیریا کے مکمل خاتمے کی راہ ہموار، مچھروں کی مزاحمت توڑنے کا طریقہ دریافت
‘آج دستیاب وسائل اور آلات کے ساتھ ہمارے پاس یہ تاریخی موقع ہے کہ ہم اپنی آنے والی نسلوں کو ملیریا سے پاک دنیا دے سکیں۔’
“عالمی ادارہ صحت کے مطابق ملیریا جیسی بیماری کیخلاف ادارہ پاکستان کے ساتھ کھڑا ہے تاکہ اس کیخلاف ردعمل کو مزید مضبوط بناتے ہوئے سائنسی بنیادوں پر تکنیکی مدد فراہم کی جا سکے۔
گزشتہ برس میں پاکستان نے تقریباً 1 کروڑ 69 لاکھ مشتبہ کیسز کی جانچ کی اور تقریباً 18 لاکھ مصدقہ مریضوں کو مفت علاج فراہم کیا، جس میں ایڈز، تپ دق اور ملیریا کیخلاف عالمی فنڈ
سمیت شراکت داروں کا تعاون شامل تھا۔
مزید پڑھیں: پاکستان میں موسمیاتی تبدیلی ملیریا کے اضافہ کا سبب بن گئی
گزشتہ 3 برسوں کے دوران ملک بھر میں تقریباً 1 کروڑ 20 لاکھ مچھر دانیاں تقسیم کی گئیں، جبکہ دور دراز علاقوں میں سہولیات کی فراہمی بہتر بنانے کے لیے کمیونٹی سطح پر کیس مینجمنٹ بھی متعارف کروائی گئی۔
عالمی سطح پر 2000 سے اب تک کی کوششوں سے تقریباً 2.3 ارب ملیریا کیسز اور 1 کروڑ 40 لاکھ اموات کو روکا جا چکا ہے، جبکہ اب تک 47 ممالک کو ملیریا سے پاک قرار دیا جا چکا ہے۔
ماہرین کے مطابق ویکسین، علاج اور نئی ٹیکنالوجیز کی بدولت ملیریا کے خاتمے کا ہدف اب پہلے سے زیادہ قریب دکھائی دیتا ہے۔
