بالی ووڈ اداکارہ امیشا پٹیل اور معروف کامیڈین ذاکر خان کے درمیان لفظی جنگ تیز ہوگئی ہے، امیشا پٹیل نے ذاکر خان کے اس دعوے کو آڑے ہاتھوں لیا ہے جس میں انہوں نے کہا تھا کہ بالی ووڈ فلم ‘دھریندھر 2’ کی کامیابی سے حسد کررہا ہے۔
یہ بھی پڑھیں: فواد خان کی بالی ووڈ میں واپسی پر سنی دیول، امیشا پٹیل اور ماورا حسین بول اٹھے
اس تنازع کا آغاز ایک ایوارڈ شو کے دوران ہوا جہاں ذاکر خان نے عالیہ بھٹ کے ساتھ میزبانی کرتے ہوئے طنزیہ جملہ کسا تھا، ذاکر خان کے اس جملے پر امیشا پٹیل نے سخت ردعمل دیتے ہوئے ان سے سوال کیا ہے کہ آپ کو کس نے فون کر کے بتایا کہ وہ غیر محفوظ محسوس کر رہے ہیں؟
DUDE-Stop spreading NEGATIVITY!film industry has valued n respected DHURANDHAR!Superstars like SRK,SALMAN,SUNNY , HRITHIK,AJAY et have given not just 1 but 25 plus mega hits n will continue to do so👍CHILL-GADAR bahut saalon se sabne already machai hain aur aage bhi machaayenge👍 pic.twitter.com/MqOD74LH83
— ameesha patel (@ameesha_patel) April 7, 2026
ایک حالیہ انٹرویو میں امیشا پٹیل نے واضح کیا کہ کامیڈینز کے لیے اسٹیج پر کھڑے ہو کر کامیاب لوگوں کا مذاق اڑانا بہت آسان ہے، لیکن پہلے خود اس مقام تک پہنچ کر دکھائیں۔
یہ بھی پڑھیں: معروف بھارتی کامیڈین ذاکر خان کا کامیڈی سے دور رہنے کا فیصلہ، اصل وجہ کیا ہے؟
انہوں نے کہا کہ بالی ووڈ انڈسٹری ‘دھرندھر 2’ کی کامیابی سے ڈری ہوئی نہیں ہے بلکہ اسے ایک بینچ مارک کے طور پر دیکھ رہی ہے اور اس سے سیکھ رہی ہے۔
امیشا کا کہنا تھا کہ رام گوپال ورما جیسے بڑے فلم سازوں اور دیگر اداکاروں نے فلم کی تعریف کی ہے اور اپنی فلموں کے معیار کو بہتر بنانے پر کام شروع کردیا ہے، جو کہ ایک مثبت مقابلہ ہے۔
امیشا پٹیل نے ذاکر خان کو مشورہ دیا کہ وہ انڈسٹری میں منفی سوچ پھیلانے سے گریز کریں۔
انہوں نے سوشل میڈیا پر بھی شاہ رخ خان، سلمان خان، سنی دیول اور ہریتھک روشن جیسے سپر اسٹارز کا حوالہ دیتے ہوئے کہا کہ انڈسٹری دہائیوں سے ہٹ فلمیں دے رہی ہے اور ‘گدر’ مچا رہی ہے، اس لیے کسی ایک فلم کی کامیابی سے کوئی غیر محفوظ نہیں ہوا۔
یہ بھی پڑھیں: سلمان خان سے شادی کرلوں، امیشا پٹیل نے مداحوں سے رائے مانگ لی
امیشا نے مطالبہ کیا کہ ذاکر خان ان دس لوگوں کے نام بتائیں جنہوں نے انہیں فون کر کے اپنی بے چینی کا اظہار کیا، ورنہ ایسی باتیں کرنا بند کریں۔
