اسلام آباد پولیس کے ترجمان نے ٹریفک ایڈوائزری جاری کرتے ہوئے بتایا ہے کہ ایکسپریس ہائی وے اور سری نگر ہائی وے پر مختلف اوقات میں ٹریفک کی ڈائیورشنز لگائی جائیں گی، جس کے باعث شہریوں کو آمدورفت میں مشکلات کا سامنا ہو سکتا ہے۔
ترجمان کے مطابق ان اقدامات کے دوران ٹریفک کی روانی متاثر ہونے کا امکان ہے، اس لیے شہری سفر کے لیے اضافی وقت رکھیں تاکہ کسی قسم کی پریشانی سے بچا جا سکے۔
یہ بھی پڑھیں:اسلام آباد پولیس کی بڑی کارروائی، ڈرفٹنگ میں ملوث ملزمان گرفتار، گاڑیاں ضبط
شہریوں سے اپیل کی گئی ہے کہ وہ ٹریفک پولیس کے ساتھ مکمل تعاون کریں اور صبر و تحمل کا مظاہرہ کریں۔ حکام کا کہنا ہے کہ اسلام آباد ٹریفک پولیس شہریوں کی رہنمائی اور سہولت کے لیے سڑکوں پر موجود رہے گی۔
مزید معلومات اور تازہ صورتحال سے آگاہی کے لیے شہریوں کو ہدایت کی گئی ہے کہ وہ اسلام آباد ٹریفک پولیس کا واٹس ایپ چینل فالو کریں۔
