سپریم کورٹ نے بین الاقوامی عدالتی تعاون سے متعلق جامع کمپینڈیم جاری کر دیا ہے۔
اعلامیے کے مطابق کمپینڈیم میں غیر ملکی عدلیہ اور بین الاقوامی قانونی اداروں کے ساتھ بڑھتے ہوئے روابط کو دستاویزی شکل دی گئی ہے۔
یہ بھی پڑھیے: سپریم کورٹ کا چین کے ساتھ عدالتی تعاون مزید مضبوط بنانے کا عزم
اعلامیے میں بتایا گیا ہے کہ کمپینڈیم میں عدالتی تبادلوں، مفاہمتی یادداشتوں اور تربیتی اقدامات کو بھی اجاگر کیا گیا ہے، جبکہ ادارے کی استعداد کار بڑھانے اور بہترین عالمی عدالتی طریقوں سے استفادے پر زور دیا گیا ہے۔
مزید کہا گیا ہے کہ دستاویز میں ٹیکنالوجی پر مبنی عدالتی اصلاحات، علم کے تبادلے کے اقدامات، قانون کی حکمرانی اور انصاف تک رسائی کے فروغ کے عزم کو بھی شامل کیا گیا ہے۔
سپریم کورٹ کے مطابق جدید، مؤثر اور عوامی مرکزیت پر مبنی عدالتی نظام کی تشکیل اس اقدام کا بنیادی ہدف ہے۔
