قومی کرکٹر بابراعظم اور شاہین آفریدی کے بیٹے عالیار کے ساتھ کرکٹ کھیلنے کی ایک ویڈیو سوشل میڈیا پر وائرل ہو رہی ہے جسے صارفین کی جانب سے خوب پسند کیا جا رہا ہے۔
وائرل ویڈیو میں دیکھا جا سکتا ہے کہ عالیار میدان میں اپنے والد کے بولنگ ایکشن کی نقل کرتے ہوئے بابر کو چند ہلکی پھلکی گیندیں کرواتا ہے۔ بابر بھی مزاحیہ انداز میں ردعمل دیتے ہوئے جان بوجھ کر شاٹ مس کرتے ہیں اور یوں ظاہر کرتے ہیں جیسے وہ آؤٹ ہو گئے ہوں جس سے موحول خوشگوار ہو گیا۔
View this post on Instagram
یہ خوبصورت لمحہ نہ صرف وہاں موجود افراد کے چہروں پر مسکراہٹ لے آیا بلکہ سوشل میڈیا صارفین کے دل بھی جیت گیا۔ صارفین کی جانب سے عالیار کے لیے محبت بھرے تبصرے سامنے آئے۔ ایک صارف نے اسے ’انتہائی پیارا بچہ‘ قرار دیا جبکہ ایک اور نے مزاحیہ انداز میں لکھا کہ یہ تو اتنی کم عمر میں اپنے والد سے بھی بہتر بولنگ کرتا نظر آ رہا ہے۔
