بنگلہ دیش کے وزیر داخلہ صلاح الدین احمد نے کہا ہے کہ حکومت بنگلہ دیش کوسٹ گارڈ کو جدید، مضبوط اور مستقبل کے تقاضوں سے ہم آہنگ فورس بنانے کے لیے پُرعزم ہے تاکہ ملک کے سمندری اور ساحلی علاقوں کی مؤثر حفاظت یقینی بنائی جا سکے۔
مزید پڑھیں: بنگلہ دیش نے نئی دہلی ہائی کمیشن واقعے پر بھارتی دعوے کی تردید کردی
منگل کے روز اگارگاؤں میں کوسٹ گارڈ ہیڈکوارٹرز میں فورس کی 31ویں سالگرہ اور ’کوسٹ گارڈ ڈے 2026‘ کی تقریب سے خطاب کرتے ہوئے انہوں نے کہا کہ کوسٹ گارڈ ملک کے سمندروں اور ساحلی پٹی کے تحفظ میں اعتماد کی علامت بن چکی ہے۔
مزید پڑھیں: یو اے ای کا خواب چکنا چور: بنگلہ دیش نے پہلی بار انڈر 19 ایشا کپ کا ٹائٹل جیت لیا
انہوں نے کہا کہ کوسٹ گارڈ 1995 میں سابق وزیر اعظم خالدہ ضیا کی قیادت میں ’گارڈین ایٹ سی‘ کے نعرے کے تحت قائم کی گئی تھی اور اس کے بعد سے یہ فورس منشیات اسمگلنگ کے خاتمے، انسانی اسمگلنگ کی روک تھام، بحری قزاقی کے خلاف کارروائیوں اور سندربن کے جنگلات و آبی وسائل کے تحفظ میں اہم کردار ادا کر رہی ہے۔
