پاکستان سپر لیگ (پی ایس ایل) کے 11ویں ایڈیشن کے پہلے ایلیمینیٹر میں حیدرآباد کنگز مین نے ملتان سلطانز کو 8 وکٹوں سے شکست دے کر ایونٹ سے باہر کر دیا۔
قذافی اسٹیڈیم میں کھیلے گئے میچ میں حیدرآباد کنگز مین نے ٹاس جیت کر ملتان سلطانز کو پہلے بیٹنگ کی دعوت دی۔
ملتان سلطانز نے مقررہ 20 اوورز میں 9 وکٹوں کے نقصان پر 159 رنز اسکور کیے، جس میں شان مسعود کی ناقابل شکست 69 رنز کی اننگز نمایاں رہی، جو انہوں نے 46 گیندوں پر کھیلی۔ دیگر بلے بازوں میں صاحبزادہ فرحان 15، اسٹیو اسمتھ 13 اور محمد نواز 18 رنز بنا سکے۔
6⃣-6⃣-OUT
Steve Smith gets back at Usman 👏#HBLPSL11 | #NewEra | #MSvHK pic.twitter.com/pN22g4xwjJ
— PakistanSuperLeague (@thePSLt20) April 29, 2026
حیدرآباد کنگز مین کی جانب سے محمد علی، حنین شاہ اور عاکف جاوید نے 2،2 کھلاڑیوں کو آؤٹ کیا۔
جواب میں حیدرآباد کنگز مین نے ہدف باآسانی 16ویں اوور میں حاصل کلیا۔
حیدرآباد کنگز مین نے میچ 8 وکٹوں سے اپنے نام کر لیا اور ایلیمینیٹر 2 کے لیے کوالیفائی کر لیا، جہاں ان کا مقابلہ اسلام آباد یونائیٹڈ سے ہوگا۔
دوسری جانب پشاور زلمی پہلے ہی کوالیفائر میں اسلام آباد یونائیٹڈ کو شکست دے کر فائنل میں جگہ بنا چکی ہے۔
