چیف جسٹس پاکستان جسٹس عمر عطا بندیال کی زیر صدارت جوڈیشل کمیشن کے اجلاس میں بلوچستان ہائی کورٹ کے پانچوں ایڈیشنل ججز کو مستقل کرنے کی سفارش کر دی ہے۔
بلوچستان ہائی کورٹ کے جن ججوں کو مستقل کرنے کی سفارش کی گئی ہے ان میں جسٹس اقبال کاسی، جسٹس شوکت رخشانی، جسٹس گل حسن ترین، جسٹس محمد عامر نواز اور جسٹس سردار احمد حلیمی شامل ہیں۔
جوڈیشل کمیشن نے حتمی منظوری کے لیے معاملہ پارلیمانی کمیٹی برائے ججز تقرری کو بھجوا دیا۔
اس کے علاوہ جوڈیشل کمیشن نے پشاور ہائی کورٹ کے 3 ایڈیشنل ججوں کی مدت میں 6 ماہ کی توسیع کردی۔ اس سے قبل جوڈیشل کمیشن کے اجلاس میں تینوں ججز کی کارکردگی کا جائزہ لیا۔
پشاور ہائی کورٹ کے ایڈیشنل ججز میں جسٹس شاہد خان، جسٹس فضل سبحان اور جسٹس خورشید اقبال کے نام شامل ہیں۔
