پاکستان کے 11 سالہ سعد جہانگیر منج نے شطرنج کے میدان میں نمایاں کامیابی حاصل کرتے ہوئے تاریخ رقم کر دی اور ایرینا انٹرنیشنل ماسٹر (AIM) ٹائٹل جیتنے والے پہلے پاکستانی کھلاڑی بن گئے۔
مزید پڑھیں: 10 سالہ بچی نے شطرنج چیمپیئن شپ میں گرینڈ ماسٹر کو شکست دے کر تاریخ رقم کردی
اس شاندار کامیابی پر پاکستان اسپورٹس بورڈ سمیت کھیلوں کے حلقوں کی جانب سے سعد کو بھرپور خراجِ تحسین پیش کیا جا رہا ہے۔ بورڈ نے اپنے سوشل میڈیا پلیٹ فارمز پر اس کامیابی کو پاکستان کے لیے فخر کا لمحہ قرار دیتے ہوئے کہا کہ یہ ملک کے نوجوانوں کے لیے بڑی تحریک ہے۔
A proud moment for Pakistan! 🇵🇰
Saad Jahangir Manj becomes Pakistan’s first-ever Arena International Master (AIM) in chess.
An inspiring achievement for youth across the nation.#Chess #RisingStar #PrideOfPakistan #PSBپاکستان کے لیے باعثِ فخر! 🇵🇰
سعد جہانگیر منج شطرنج میں AIM… pic.twitter.com/T8TL9yv3if— Pakistan Sports Board (@Pak_SportsBoard) April 29, 2026
پنجاب کے وزیرِ کھیل فیصل ایوب کھوکھر نے بھی سعد جہانگیر منج کو مبارک باد دیتے ہوئے کہا کہ یہ کامیابی نوجوان کھلاڑیوں کے لیے روشن مثال ہے اور اس سے ملک میں ٹیلنٹ کو فروغ ملے گا۔
مزید پڑھیں: مصنوعی ذہانتوں کے بیچ شطرنج ٹورنامنٹ: اوپن اے آئی نے فائنل میں گروگ کو شکست دے کر مقابلہ جیت لیا
انہوں نے اس عزم کا اعادہ کیا کہ شطرنج سمیت دیگر کھیلوں کی ترقی کے لیے حکومتی کوششیں جاری رہیں گی تاکہ ایسے باصلاحیت کھلاڑیوں کو آگے بڑھنے کے مزید مواقع فراہم کیے جا سکیں۔
