سابق وزیراعلیٰ پنجاب چوہدری پرویز الہٰی نے پیپلزپارٹی میں شمولیت کی خبروں کو مسترد کرتے ہوئے واضح کیا ہے کہ وہ بدستور پاکستان تحریک انصاف کا حصہ اور اپنی جماعت کے صدر ہیں۔
لاہور میں ایک شادی کی تقریب کے موقع پر صحافیوں سے غیر رسمی گفتگو کرتے ہوئے پرویز الہٰی سے پی ٹی آئی چھوڑنے سے متعلق سوال کیا گیا، جس پر انہوں نے دوٹوک انداز میں ان خبروں کی تردید کی۔
یہ بھی پڑھیے چوہدری پرویز الہی اور اہل خانہ کے نام پی سی ایل سے نکال دیے گئے
چوہدری پرویز الہٰی نے پاکستان پیپلز پارٹی میں شمولیت سے متعلق گردش کرنے والی خبروں کو بے بنیاد قرار دیتے ہوئے واضح کیا ہے کہ وہ بدستور پاکستان تحریک انصاف کا حصہ ہیں۔
ان کا کہنا تھا کہ وہ اپنی جماعت کے صدر ہیں اور پی ٹی آئی میں ہی رہیں گے، جبکہ پیپلزپارٹی میں شمولیت سے متعلق تمام خبریں محض افواہیں ہیں جن میں کوئی صداقت نہیں۔
