پاکستان سپر لیگ (پی ایس ایل) کے اختتام پر ٹیم آف دی ٹورنامنٹ اور نوجوان کھلاڑیوں پر مشتمل ابھرتی ہوئی ٹیم کا اعلان کردیا گیا۔
پی ایس ایل 11 کا ٹائٹل اپنے نام کرنے والی پشاور زلمی کے کپتان بابر اعظم کو ٹیم آف دی ٹورنامنٹ کا کپتان مقرر کیا گیا ہے۔
Here is the TEAM OF THE HBL PSL 11 🤩
Babar Azam is named captain for his stellar form as batter and leader 💫🏆
Read more: https://t.co/fkEzfx79qG#HBLPSL11 | #NewEra pic.twitter.com/8gE8zJJOYi
— PakistanSuperLeague (@thePSLt20) May 4, 2026
اس ٹیم میں پشاور زلمی اور حیدرآباد کنگز مین کے 3،3 کھلاڑی شامل کیے گئے ہیں، جبکہ لاہور قلندرز اور اسلام آباد یونائیٹڈ کے 2،2 کھلاڑی اس اسکواڈ کا حصہ ہیں۔
اسی طرح ملتان سلطانز اور کوئٹہ گلیڈی ایٹرز سے ایک، ایک کھلاڑی کو ٹیم میں شامل کیا گیا ہے۔
یہ انتخاب 5 رکنی کمیٹی نے کیا جو معروف کمنٹری پینل پر مشتمل تھی۔ اسی کمیٹی نے ابھرتے ہوئے کھلاڑیوں پر مشتمل ایک علیحدہ ٹیم بھی منتخب کی ہے۔
ایچ بی ایل پی ایس ایل 11 میں مجموعی طور پر 44 میچز کھیلے گئے جو 26 مارچ سے 3 مئی تک لاہور اور کراچی میں منعقد ہوئے۔
پشاور زلمی کے کپتان بابر اعظم نے بطور کھلاڑی اپنا تیسرا جبکہ بطور کپتان پہلا ٹائٹل جیتا۔ انہوں نے 588 رنز بنا کر ٹورنامنٹ میں سب سے زیادہ رنز اسکور کیے اور بیٹنگ میں شاندار تسلسل برقرار رکھا۔ انہیں حنیف محمد کیپ سے بھی نوازا گیا۔
بابر اعظم نے ایک ہی سیزن میں سب سے زیادہ رنز کا ریکارڈ بھی برابر کیا اور 2 شاندار سینچریاں اسکور کیں۔
پشاور زلمی کے کوشل مینڈس نے 550 رنز اسکور کیے جبکہ وکٹ کیپنگ میں بھی نمایاں کارکردگی دکھائی۔ اس کے علاوہ سفیان مقیم نے 22 وکٹیں حاصل کرکے نہ صرف بہترین بولر کا اعزاز حاصل کیا بلکہ پلیئر آف دی ٹورنامنٹ بھی قرار پائے۔
حیدرآباد کنگز مین کے عثمان خان، حسن خان اور حنین شاہ نے بھی بہترین کارکردگی دکھاتے ہوئے ٹیم میں جگہ بنائی۔
لاہور قلندرز کے فخر زمان اور شاہین شاہ آفریدی، ملتان سلطانز کے شان مسعود، اسلام آباد یونائیٹڈ کے شاداب خان اور رچرڈ گلیسن جبکہ کوئٹہ گلیڈی ایٹرز کے حسن نواز کو بھی اسکواڈ کا حصہ بنایا گیا۔
ٹیم آف دی ٹورنامنٹ اسکواڈ
ٹورنامنٹ کی بہترین ٹیم کی قیادت بابر اعظم کریں گے، جبکہ دیگر کھلاڑیوں میں فخر زمان، کوشل مینڈس، شان مسعود، عثمان خان، شاداب خان، حسن خان، شاہین شاہ آفریدی، حنین شاہ، سفیان مقیم، رچرڈ گلیسن شامل ہیں، جبکہ حسن نواز بارہویں کھلاڑی کے طور پر ٹیم کا حصہ بنایا گیا ہے۔
ابھرتی ہوئی ٹیم آف دی ٹورنامنٹ
ابھرتی ہوئی ٹیم میں نوجوان کھلاڑیوں کو شامل کیا گیا ہے جنہوں نے مستقبل کی کرکٹ کے لیے امیدیں روشن کردی ہیں۔
Plenty of young guns shone in the HBL PSL 11 🔥
The Emerging Team of the Tournament comprises some notable and promising players 👏
👉 For the first time, the HBL PSL has also announced an Emerging Team of the Tournament.
Read more: https://t.co/fkEzfx79qG#HBLPSL11 |… pic.twitter.com/x1aRL5od4d
— PakistanSuperLeague (@thePSLt20) May 4, 2026
ابھرتے ہوئے کھلاڑیوں پر مشتمل کرکٹ ٹیم میں سمیر مہناس، شمائل حسین، معاذ صداقت، سعد بیگ، فرحان یوسف، سعد مسعود، حنین شاہ، علی رضا، محمد اسماعیل، عبید شاہ، مومن قمر شامل ہیں، جبکہ محمد فاروق کو بارہویں کھلاڑی کے طور پر ٹیم میں شامل کیا گیا ہے۔
