امریکی صدر ڈونلڈ ٹرمپ اور ان کے بیٹوں کی مشترکہ قائم کردہ کرپٹو کمپنی ورلڈ لبرٹی فائنانشل نے پیر کے روز اعلان کیا کہ اس نے ہانگ کانگ میں مقیم کرپٹو کاروباری شخصیت جسٹن سن کے خلاف ہتکِ عزت کا مقدمہ دائر کر دیا ہے۔
یہ بھی پڑھیں: ٹرمپ فیملی کا کرپٹو منصوبہ تنازعے کا شکار، ارب پتی سرمایہ کار کا مقدمہ
یہ اقدام کمپنی اور اس کے ایک نمایاں سرمایہ کار کے درمیان تنازع میں تازہ شدت کی علامت ہے۔
World Liberty Financial Sues Justin Sun Over Alleged Smear Campaign
World Liberty Financial, co-founded by Donald Trump Jr., Eric Trump, and Zach Witkoff, filed a defamation lawsuit against TRON founder Justin Sun on May 4 in Florida state court.
They accuse him of breaking… pic.twitter.com/1RMTMGEMpH
— BLOCKCAST.CC NEWS (@Blockcastcc) May 5, 2026
ورلڈ لبرٹی نے سوشل میڈیا پلیٹ فارم ایکس پر مقدمے کی کاپی شیئر کرتے ہوئے الزام عائد کیا کہ جسٹن سن نے کمپنی کے خلاف عوامی سطح پر بدنامی کرنے کی غرض سے مہم چلائی اور ایسے دعوے کیے جو کمپنی کے مطابق بے بنیاد ہیں۔
کمپنی کا کہنا ہے کہ سن نے اپنے ٹوکنز کے ساتھ ایسے اقدامات کیے جن کی اسے اجازت نہیں تھی، جن میں انہیں کرپٹو ایکسچینج بائنانس کو منتقل کرنا بھی شامل ہے۔
Today, we are filing a lawsuit against Justin Sun for defamation. Sun has launched a coordinated media smear campaign against World Liberty Financial and refused to stop even when confronted with the truth.
Here's the story.🧵
— WLFI (@worldlibertyfi) May 4, 2026
اس سے قبل اپریل میں جسٹن سن نے خود ورلڈ لبرٹی فنانشل کے خلاف مقدمہ دائر کیا تھا، جس میں مؤقف اختیار کیا گیا کہ کمپنی نے غیرقانونی طور پر ان کے خریدے گئے ٹوکنز منجمد کر دیے ہیں۔
جسٹن سن کے مطابق، کمپنی نے خفیہ طور پر ایسے ٹولز نصب کیے جن کے ذریعے ستمبر 2025 میں ٹوکنز کے قابلِ تجارت ہونے کے بعد بھی ان کی فروخت کو روکا گیا۔
مزید پڑھیں: پاکستان میں کرپٹو کرنسی کی قانونی حیثیت سے ترسیلات زر 50 ارب ڈالر تک پہنچنے کی پیشگوئی
ورلڈ لبرٹی نے اپنے مقدمے میں کہا کہ ٹوکنز کو منجمد کرنے کا اختیار فروخت کی شرائط میں واضح طور پر درج تھا۔
جسٹن سن نے خبر رساں ادارے رائٹرزسے گفتگو کرتے ہوئے بتایا کہ ورلڈ لبرٹی کی جانب سے ایکس پر اعلان کردہ یہ مبینہ ہتکِ عزت کا مقدمہ محض ایک بے بنیاد تشہیری حربہ ہے۔
مزید پڑھیں: جنوبی کوریا کی کرپٹو ایکسچینج کی غلطی، 40 ارب ڈالر سے زائد مالیت کے بٹ کوائن صارفین کو منتقل
’میں اپنے اقدامات پر قائم ہوں اور عدالت میں اس کیس کو شکست دینے کا منتظر ہوں۔‘ انہوں نے یہی پیغام ایکس پر بھی شیئر کیا۔
امریکی صدر کے بیٹے ڈونلڈ ٹرمپ جونیئر نے ورلڈ لبرٹی کی پوسٹ کو دوبارہ شیئر کرتے ہوئے لکھا کہ سچ جاننے کے لیے اس پوری تھریڈ کو پڑھیں جبکہ کمپنی کے چیف ایگزیکٹو اور شریک بانی زیک وٹکوف کا کہنا تھا کہ وہ عدالت میں حقیقت سامنے آنے کے منتظر ہیں۔
