ترجمان اسلام آباد پولیس کے مطابق تھانہ کھنہ کی حدود میں پولیس ٹیم کے سرچ آپریشن کے دوران ڈکیت گینگ کے مسلح ملزمان نے پولیس پر اندھا دھند فائرنگ کر دی۔
مزید پڑھیں:اسلام آباد پولیس کی بڑی کارروائی، بین الصوبائی موٹر سائیکل چور گینگ گرفتار
پولیس کے مطابق کارروائی جرائم پیشہ عناصر کی موجودگی کی اطلاع پر کی جا رہی تھی۔ فائرنگ کے تبادلے کے دوران گینگ کا ایک رکن اپنے ہی ساتھی کی فائرنگ سے زخمی ہو گیا جسے زخمی حالت میں گرفتار کر لیا گیا۔
ترجمان نے بتایا کہ پولیس ٹیم حفاظتی اقدامات اور بلٹ پروف جیکٹس کی وجہ سے محفوظ رہی۔ گرفتار ملزم کے قبضے سے وارداتوں میں استعمال ہونے والا 30 بور پستول بھی برآمد ہوا۔
مزید پڑھیں:اسلام آباد میں آج ٹریفک ڈائیورشنز کا اعلان، شہریوں کو پیشگی تیاری کی ہدایت
پولیس کے مطابق گرفتار ملزم ڈکیتی، راہزنی اور دورانِ واردات شہریوں کو زخمی کرنے کے متعدد مقدمات میں مطلوب تھا۔ ساتھی ملزم کی گرفتاری کے لیے علاقے میں سرچ آپریشن جاری ہے۔
