نائب وزیراعظم و وزیر خارجہ سینیٹر اسحاق ڈار نے اسلام آباد میں علما کونسل کانفرنس کے دوسرے اجلاس سے خطاب کیا۔
وزارتِ خارجہ کے ترجمان کی جانب سے جاری بیان کے مطابق انہوں نے ملکی و بین الاقوامی ممتاز علما اور اسکالرز کی شرکت کا خیرمقدم کرتے ہوئے کانفرنس کی اہمیت اور بروقت انعقاد کو سراہا۔
یہ بھی پڑھیے: بچت اقدامات پر پیش رفت کا جائزہ، اسحاق ڈار کا مؤثر عملدرآمد پر اصرار
اسحاق ڈار نے خطے اور اس سے باہر امن و استحکام کے لیے پاکستان کے عزم کو اجاگر کرتے ہوئے کہا کہ کشیدگی میں کمی اور مذاکرات کے فروغ کے لیے سفارتی کوششیں جاری ہیں۔ انہوں نے جموں و کشمیر اور فلسطین کے حوالے سے پاکستان کے اصولی مؤقف کا اعادہ کیا اور مسلم امہ کے اتحاد، تنظیمِ تعاونِ اسلامی کے کلیدی کردار اور مشترکہ اقدامات کی اہمیت پر زور دیا۔
انہوں نے عالمی سطح پر اسلاموفوبیا کے خاتمے اور بین المذاہب ہم آہنگی کے فروغ میں پاکستان کے کردار کو بھی نمایاں کیا۔
یہ بھی پڑھیے: یو اے ای کے عوام کے ساتھ کھڑے ہیں، اسحاق ڈار کی ڈرون اور میزائل حملوں کی مذمت
نائب وزیراعظم و وزیر خارجہ نے ‘معرکۂ حق’ کی سالگرہ کے موقع پر پاکستان کی ثابت قدمی اور قومی عزم کو خراجِ تحسین پیش کیا۔
انہوں نے کہا کہ وزیراعظم شہباز شریف کی قیادت میں امن، ترقی اور خوشحالی پاکستان کے قومی وژن کے مرکزی ستون ہیں۔
