نائب وزیراعظم اور وزیر خارجہ اسحاق ڈار نے کہا ہے کہ پاکستان اپنے اور ایرانی سمندری عملے کی محفوظ واپسی کے لیے متعلقہ ممالک کے ساتھ قریبی رابطے میں ہے۔
یہ بھی پڑھیں:صومالی قذاقوں کے ہاتھوں یرغمال پاکستانیوں کی زندگیاں خطرے میں، متاثرہ خاندانوں کی دہائی، حکومت کی سفارتی کوششیں تیز
ٹوئٹر (ایکس) پر جاری بیان کے مطابق اسحاق ڈار نے سنگاپور کے وزیر خارجہ سے گفتگو کی اور ان سے درخواست کی کہ وہ امریکی حکام کے زیر حراست بحری جہازوں پر موجود 11 پاکستانی اور 20 ایرانی سمندری اہلکاروں کی فلاح و بہبود اور وطن واپسی میں تعاون کریں، جو اس وقت سنگاپور کے قریب پانیوں میں موجود ہیں۔
انہوں نے مزید بتایا کہ اسی معاملے پر ایرانی وزیر خارجہ سے بھی رابطہ کیا گیا ہے اور پاکستان ایران کے ساتھ قریبی رابطہ کاری جاری رکھے ہوئے ہے۔
Spoke with Singaporean Foreign Minister H. E. Vivian Balakrishnan @VivianBala and requested Singapore’s support in facilitating the welfare and repatriation of 11 Pakistani and 20 Iranian seafarers, aboard vessels seized by U.S. authorities and currently near Singaporean waters.…
— Ishaq Dar (@MIshaqDar50) May 8, 2026
اسحاق ڈار کے مطابق پاکستان ایرانی شہریوں کی محفوظ واپسی کے لیے بھی پاکستان کے راستے ایران جانے میں سہولت فراہم کرنے کے لیے تیار ہے۔
انہوں نے کہا کہ سنگاپور کی جانب سے تعاون کو سراہا گیا ہے جبکہ پاکستان اپنی وزارت خارجہ اور متعلقہ اداروں کے ذریعے امریکی حکام سمیت دیگر فریقین سے مسلسل رابطے میں ہے تاکہ تمام افراد کی حفاظت، فلاح اور جلد از جلد واپسی یقینی بنائی جا سکے۔
