پاکستان ایئرپورٹس اتھارٹی نے ایک نوٹس ٹو ایئر مین (نوٹم) جاری کرتے ہوئے خبردار کیا ہے کہ 8 سے 10 مئی کے دوران اسلام آباد ایئرپورٹ پر پروازوں کی آمد و رفت ’آپریشنل وجوہات‘ کی بنا پر متاثر ہو سکتی ہے۔
یہ بھی پڑھیں: اسلام آباد سکھر فضائی رابطہ مزید مضبوط، ایئر سیال کی نئی پرواز کا آغاز
نوٹم کے مطابق 9 اور 10 مئی کو رات 8 بجے سے 9:15 بجے تک پروازوں کی آمد اور روانگی میں تاخیر کا امکان ہے۔
اتھارٹی نے اسلام آباد آنے والی پروازوں کو ہدایت کی ہے کہ ممکنہ تاخیر کے پیش نظر اضافی ایندھن ساتھ رکھا جائے تاکہ انتظار کی صورت میں مشکلات پیش نہ آئیں۔
نوٹم میں جمعہ 8 مئی کو صبح 10:45 سے دوپہر 12:15 بجے تک بھی پروازوں کی آمدورفت میں تاخیر کا امکان ظاہر کیا گیا تھا۔
واضح رہے کہ اس سے قبل مارچ میں بھی پاکستان ایئرپورٹس اتھارٹی نے اسلام آباد ایئرپورٹ کے لیے اسی نوعیت کا نوٹم جاری کیا تھا جس کے تحت 17 مارچ کو 2 گھنٹے کے لیے فلائٹ آپریشن معطل کیا گیا تھا۔
مزید پڑھیے: پاکستان اور ازبکستان کے درمیان ہفتہ وار ایئر فلائٹس کی تعداد بڑھانے کا اعلان
دوسری جانب پاکستان انٹرنیشنل ایئرلائن نے عمان سے اسلام آباد، لاہور اور ملتان کے لیے اپنی پروازیں دوبارہ بحال کرنے کا اعلان کیا ہے جن کا آغاز 13 مئی سے ہوگا۔
پاکستانی سفارتخانے نے عمان میں سوشل میڈیا پلیٹ فارم ایکس پر جاری بیان میں کہا کہ پی آئی اے نے سلطنت عمان سے اسلام آباد، لاہور اور ملتان کے لیے پروازوں کا دوبارہ آغاز کر دیا ہے۔
This to inform the community that Pakistan International Airline (PIA) has officially reinstated its flights operations to Islamabad, Lahore and Multan from the Sultanate of Oman, Effective from May 13, 2026. @GovtofPakistan @ForeignOfficePk @NaveedSafdar14 pic.twitter.com/NcVS4XNclP
— Pakistan Embassy Oman (@PakinOman) May 8, 2026
اعلامیے کے مطابق مسقط سے لاہور کے لیے ہفتہ وار پروازیں منگل اور جمعرات کو چلائی جائیں گی جبکہ ملتان کے لیے بدھ اور ہفتہ کو اور اسلام آباد کے لیے جمعہ کے روز پرواز آپریٹ کی جائے گی۔
مزید پڑھیں: کوئٹہ انٹرنیشنل ایئرپورٹ سے کراچی کے لیے ہفتہ وار 3 فلائٹس کا آغاز
یاد رہے کہ 6 اپریل کو پی آئی اے کے ترجمان نے اعلان کیا تھا کہ متحدہ عرب امارات اور سعودی عرب کے علاوہ خلیجی ممالک کے لیے پروازیں اپریل کے اختتام تک معطل رہیں گی۔
