پیپلز پارٹی کے رہنما و سینیٹر محمد طلحہ محمود نے ملک کے مایہ ناز کرکٹر شاہد خان آفریدی سے ایک خوشگوار ملاقات کی ہے، جس میں باہمی دلچسپی کے امور اور قومی یکجہتی کے فروغ پر تفصیلی تبادلۂ خیال کیا گیا۔
اس موقع پر سینیٹر طلحہ محمود نے محبت، ثقافت اور روایتی اقدار کی علامت کے طور پر شاہد آفریدی کو ’چترالی پکول‘ کا تحفہ پیش کیا۔
یہ بھی پڑھیں: سابق کپتان شاہد آفریدی کی چارسدہ آمد، شہید مولانا ادریس کے اہلخانہ سے تعزیت
ملاقات کے دوران قومی ہم آہنگی اور کھیلوں کے ذریعے نوجوانوں کی صلاحیتوں کو اجاگر کرنے کے حوالے سے بھی گفتگو ہوئی۔ اس نشست میں ایمبیسیڈر ایٹ لارج محمد مصطفیٰ بن طلحہ بھی موجود تھے۔
شاہد آفریدی نے اس خیر سگالی کے جذبے اور روایتی تحفے پر سینیٹر طلحہ محمود کا شکریہ ادا کیا۔ دونوں شخصیات نے اس عزم کا اظہار کیا کہ ملک کی ترقی اور مثبت تشخص کو دنیا بھر میں روشناس کرانے کے لیے مل کر کام کرنے کی ضرورت ہے۔
