قومی کرکٹ ٹیم کے سابق کپتان اور مایہ ناز آل راؤنڈر شاہد خان آفریدی نے چارسدہ کا دورہ کیا، جہاں انہوں نے ممتاز مذہبی اسکالر شیخ الحدیث مولانا ادریس شہید کے گھر جا کر ان کے سوگوار خاندان سے ملاقات کی۔
یہ بھی پڑھیں: خیبر پختونخوا: چارسدہ میں نشانہ بننے والے شیخ الحدیث مولانا ادریس کون تھے؟
شاہد آفریدی نے مولانا ادریس شہید کے صاحبزادوں سے ملاقات کے دوران ان سے گہرے دکھ اور افسوس کا اظہار کیا اور اس عظیم علمی نقصان پر تعزیت کی۔ اس موقع پر سابق کپتان نے مرحوم کی بلندیِ درجات کے لیے دعا کرتے ہوئے کہا کہ مولانا ادریس شہید کی علمی خدمات کو ہمیشہ یاد رکھا جائے گا اور ان کی شہادت ایک بڑا خلا ہے جسے پُر کرنا مشکل ہوگا۔
قومی کرکٹ سٹار شاہد آفریدی کی چارسدہ میں شیخ الحدیث مولانا ادریس شہید کے گھر آمد۔ شاہد آفریدی نے مولانا ادریش شہید کے صاحبزادوں سے تعزیت کی اور مرحوم کے لیے دعائے مغفرت کی۔ @SAfridiOfficial pic.twitter.com/E3jx8krdMH
— Rizwan Ghilzai (Remembering Arshad Sharif) (@rizwanghilzai) May 8, 2026
شاہد آفریدی نے پسماندگان کے لیے صبرِ جمیل کی دعا بھی کی، جس کے بعد وہ مختصر قیام کے بعد واپس روانہ ہو گئے۔
