امریکا کی ریاست کولوراڈو کے ڈینور ہوائی اڈے پر ایک افسوسناک حادثے میں مسافر طیارہ پرواز بھرنے کے دوران رن وے عبور کرنے والے شخص سے ٹکرا گیا، جس کے نتیجے میں وہ موقع پر ہلاک ہوگیا۔
مزید پڑھیں:اینویڈیا کے جدید ترین چپس امریکا سے چین اسمگل کیسے ہوئے؟ پہلی بار تفصیلات سامنے آگئیں
حادثہ اُس وقت پیش آیا جب نجی فضائی کمپنی کے طیارے نے لاس اینجلس کے لیے روانگی اختیار کی۔ حکام کے مطابق طیارے میں 224 مسافر اور عملے کے 7 ارکان سوار تھے۔
ہوائی اڈے کی انتظامیہ نے بتایا کہ ہلاک ہونے والا شخص حفاظتی باڑ عبور کرکے رن وے تک پہنچا تھا۔ واقعے کے فوری بعد امدادی ٹیمیں جائے وقوعہ پر پہنچ گئیں جبکہ مسافروں کو بحفاظت واپس عمارت منتقل کردیا گیا۔
پائلٹ نے کنٹرول مرکز کو اطلاع دی کہ طیارہ ایک شخص سے ٹکرانے کے بعد رن وے پر روک دیا گیا ہے اور انجن میں آگ لگنے کی اطلاع بھی دی گئی۔ بعد ازاں طیارے سے دھواں اٹھنے پر مسافروں کو ہنگامی طور پر باہر نکالا گیا۔
حادثے میں 12 افراد معمولی زخمی ہوئے جبکہ 5 کو علاج کے لیے مقامی اسپتال منتقل کیا گیا۔
مزید پڑھیں:ایران امریکا جنگ: بڑے فیصلے متوقع، پاکستان پر کیا اثرات پڑیں گے؟
عینی شاہدین کے مطابق جیسے ہی طیارہ فضا میں بلند ہونا شروع ہوا تو زور دار دھماکے جیسی آواز سنائی دی، جس کے بعد طیارے کے ایک حصے سے آگ کے شعلے اور دھواں نکلتا دکھائی دیا، جس سے مسافروں میں خوف و ہراس پھیل گیا۔
حکام نے واقعے کی تحقیقات شروع کر دی ہیں جبکہ رن وے کو عارضی طور پر بند کر دیا گیا ہے۔
