امریکی پاپ گلوکارہ کیٹی پیری نے اپنے مداحوں کو بڑی خوشخبری سناتے ہوئے اعلان کیا ہے کہ وہ فیفا ورلڈ کپ 2026 کی افتتاحی تقریب میں پرفارم کریں گی۔
41 سالہ گلوکارہ حال ہی میں اپنا ‘لائف ٹائمز ٹور’ مکمل کرنے کے بعد اب ورلڈ کپ اسٹیج سنبھالنے کے لیے تیار ہیں۔ رپورٹ کے مطابق کیٹی پیری 12 جون کو امریکا کی ریاست کیلیفورنیا کے شہر انگل ووڈ میں واقع ‘سوفائی اسٹیڈیم’ میں افتتاحی تقریب کی ہیڈ لائن پرفارمر ہوں گی، جہاں امریکا اور پیراگوئے کے درمیان میچ کھیلا جائے گا۔
یہ بھی پڑھیے: فیفا ورلڈ کپ 2026: 3 ممالک میں علیحدہ افتتاحی تقریبات کا اعلان
افتتاحی تقریب میں کیٹی پیری کے ساتھ دیگر معروف فنکار بھی شریک ہوں گے جن میں ‘فیوچر’، ‘لیسا’، ‘ٹائلا’، ‘انیٹا’، ‘ریما’ اور ڈی جے سنجوئے شامل ہیں۔
ادھر میکسیکو اور جنوبی افریقا کے درمیان افتتاحی میچ سے قبل میکسیکو سٹی کے ‘ازٹیکا اسٹیڈیم’ میں بھی شاندار میوزیکل پروگرام منعقد ہوگا، جس میں ‘الیخاندرو فرنانڈیز’، ‘ڈینی اوشن’، ‘لیلا ڈاؤنز’، ‘بیلنڈا’، ‘جے بالوِن’ اور میوزیکل گروپس ‘لاس اینجلس ازولیس’ اور ‘مانا’ پرفارم کریں گے۔
یہ بھی پڑھیے: ایران فیفا مذاکرات: عالمی باڈی نے ایران کو 20 مئی کی ڈیڈ لائن دے دی
اسی طرح کینیڈا اور بوسنیا و ہرزیگووینا کے میچ سے قبل ٹورنٹو کے ‘بی ایم او فیلڈ’ میں ‘ایلینس موریسیٹ’، ‘مائیکل بوبلے’، ‘الیسیا کارا’، ‘جیسی رئیس’، ‘نورا فتحی’، ‘ولیم پرنس’، ‘ایلیانا’ اور ‘ویج ڈریم’ شائقین کو محظوظ کریں گے۔
رپورٹس کے مطابق ورلڈ کپ کے تمام تفریحی پروگرام میچ شروع ہونے سے 90 منٹ قبل پیش کیے جائیں گے۔
