عالمی فٹبال تنظیم فیفا نے ایران فٹبال فیڈریشن کو 2026 ورلڈ کپ میں شرکت سے متعلق اہم مذاکرات کے لیے اپنے زیورخ ہیڈکوارٹر طلب کر لیا ہے جس کے لیے 20 مئی کی ڈیڈ لائن مقرر کی گئی ہے۔
یہ بھی پڑھیں: ایران رواں سال امریکا میں ہونے والے فٹبال ورلڈ کپ میں شرکت کے لیے راضی ہوگیا
یہ پیشرفت مشرقِ وسطیٰ میں گزشتہ فروری سے جاری کشیدگی کے تناظر میں سامنے آئی ہے جو امریکا اور اسرائیل کے حملوں کے بعد شدت اختیار کر گئی تھی۔ اس صورتحال کے باوجود فیفا کے صدر جیانی انفانٹینو نے واضح کیا ہے کہ ایران طے شدہ شیڈول کے مطابق اپنے میچز امریکا میں ہی کھیلے گا۔
FIFA secretary general Mattias Grafström has reportedly invited an Iranian delegation to its headquarters, with the country's top football official Mehdi Taj saying, "We have many issues to discuss.”
READ: https://t.co/zRhY7WEzBV pic.twitter.com/FGEbmLILta
— Sportstar (@sportstarweb) May 2, 2026
سنہ2026 کا فٹبال ورلڈ کپ 11 جون سے 19 جولائی تک امریکا کینیڈا اور میکسیکو میں مشترکہ طور پر منعقد ہوگا۔ ایران کی شرکت و سفارتی اور سیکیورٹی خدشات کے باعث غیر یقینی کا شکار تھی۔
تاہم گزشتہ ہفتے وینکوور میں ہونے والی فیفا کانگریس میں جیانی انفانٹینو نے اس معاملے پر وضاحت دیتے ہوئے کہا کہ ایران یقینی طور پر ورلڈ کپ میں شرکت کرے گا اور اپنے میچز امریکہ میں کھیلے گا۔
مزید پڑھیے: ایران فٹبال ورلڈ کپ 2026 میں شرکت نہیں کرے گا، ایرانی وزیر کھیل
دوسری جانب 211 رکنی کانگریس میں ایران کا وفد شریک نہ ہو سکا۔ رپورٹس کے مطابق ایران فٹبال فیڈریشن کے صدر مہدی تاج اور ان کے ساتھیوں کو کینیڈین بارڈر حکام کے ساتھ تنازع کے بعد واپس لوٹنا پڑا۔
ایرانی میڈیا کے مطابق وفد نے امیگریشن حکام کے رویے کو توہین آمیز قرار دیا۔ کینیڈا اس سے قبل سنہ 2024 میں ایرانی پاسداران انقلاب کو دہشتگرد تنظیم قرار دے چکا ہے جس کے باعث اس سے منسلک افراد کے داخلے پر پابندی ہے۔
FIFA president Gianni Infantino claims Iran will play the World Cup this summer. 🇮🇷🏆
Their games are scheduled in Los Angeles and Seattle. 🇺🇸
The federation did not attend the FIFA congress in Vancouver.
One member of the Football Federation was denied entry to Canada. 🇨🇦 pic.twitter.com/xV32Is3Ry0
— DW Sports (@dw_sports) May 1, 2026
تہران واپسی پر مہدی تاج نے فیفا کے ساتھ ملاقات کی خواہش ظاہر کی تھی جس پر اب فیفا نے باضابطہ طور پر ایران کے وفد کو 20 مئی تک زیورخ آنے کی دعوت دے دی ہے تاکہ ورلڈ کپ کی تیاریوں پر بات چیت کی جا سکے۔
مزید پڑھیں: عراق نے 40 سال بعد فٹبال ورلڈ کپ کے لیے کوالیفائی کرلیا، ترکیہ کا 24 سالہ انتظار ختم
ٹورنامنٹ کے دوران ایران کی ٹیم ایریزونا کے شہر ٹکسن میں قیام کرے گی اور گروپ جی میں نیوزی لینڈ، بیلجیئم اور مصر کے خلاف میچز کھیلے گی۔ ایران اپنا پہلا میچ 15 جون کو لاس اینجلس میں نیوزی لینڈ کے خلاف کھیلے گا۔
