معروف اداکار و میزبان فہد مصطفیٰ نے نے سوشل میڈیا پر اپنے ہر جگہ شارٹس پہننے کے حوالے سے ہونے والی تنقید پر ردِعمل دیتے ہوئے کہا ہے کہ یہ ان کی ذاتی پسند ہے اور اس سے کسی دوسرے کو مسئلہ نہیں ہونا چاہیے۔
انہوں نے کہا کہ وہ بچپن سے اسی طرز کا لباس پہنتے آ رہے ہیں اور ان کے نزدیک کسی کو یہ حق حاصل نہیں کہ وہ دوسروں کو یہ بتائے کہ انہیں کیا پہننا چاہیے یا نہیں۔
View this post on Instagram
واضح رہے کہ فہد مصطفیٰ نے حال ہی میں اپنی فلم کی تشہیری مہم کے سلسلے میں ایک ویب شو میں شارٹس پہن کر شرکت کی تھی، جس کے ویڈیو کلپس سوشل میڈیا پر تیزی سے وائرل ہوگئے۔ ان کلپس پر صارفین کی جانب سے مختلف آراء سامنے آئیں اور کئی افراد نے اُن کے لباس کو تنقید کا نشانہ بنایا۔
بعض صارفین کا کہنا تھا کہ فہد مصطفیٰ شارٹس میں اچھے نہیں لگ رہے، جبکہ دیگر نے رائے دی کہ لباس کا انتخاب ہمیشہ موقع اور ماحول کی مناسبت سے ہونا چاہیے۔
