وزیراعظم پاکستان شہباز شریف اور قطر کے وزیراعظم و وزیر خارجہ شیخ محمد بن عبدالرحمان بن جاسم الثانی کے درمیان ٹیلیفونک رابطہ ہوا ہے۔
دونوں رہنماؤں کے درمیان خوشگوار اور دوستانہ ماحول میں ہونے والی گفتگو کے دوران خطے اور عالمی سطح پر بدلتی صورتحال پر تبادلہ خیال کیا گیا۔
Islamabad: May 17, 2026.
Prime Minister Muhammad Shehbaz Sharif received a telephone call, this evening, from His Excellency Sheikh Mohammed bin Abdulrahman bin Jassim Al Thani, Prime Minister and Minister of Foreign Affairs of the State of Qatar.
During their warm and… pic.twitter.com/gjyiBt1ZHZ
— Prime Minister’s Office (@PakPMO) May 17, 2026
وزیراعظم شہباز شریف نے پاکستان کی جانب سے کشیدگی میں کمی اور خطے میں امن و استحکام کے فروغ کے لیے کی جانے والی کوششوں کی حمایت پر قطری قیادت کا شکریہ ادا کیا۔
وزیراعظم نے علاقائی سفارت کاری میں قطر کے تعمیری کردار اور جاری ثالثی کوششوں کے حق میں اتفاق رائے پیدا کرنے کی کاوشوں کو سراہا۔
دونوں رہنماؤں نے اس بات پر اتفاق کیاکہ مشترکہ چیلنجز سے نمٹنے کے لیے تمام متعلقہ فریقوں کے درمیان قریبی رابطوں اور مسلسل مذاکرات کی ضرورت ہے۔
وزیراعظم شہباز شریف نے قطر کے امیر شیخ تمیم بن حمد الثانی کے لیے نیک تمناؤں کا اظہار کرتے ہوئے کہاکہ وہ جلد ان کے سرکاری دورہ پاکستان کے منتظر ہیں۔
دونوں ممالک کی قیادت نے گفتگو کے نتائج پر پیشرفت کے لیے اعلیٰ سطح کے روابط باقاعدگی سے جاری رکھنے پر بھی اتفاق کیا۔
