سفارت کاری ہی مسائل کا واحد حل ہے، پاکستان اور قطر کا اتفاق

پاکستان اور قطر  نے علاقائی چیلنجز سے نمٹنے کے لیے مذاکرات اور سفارتی روابط کو مزید مضبوط بنانے پر زور دیا ہے۔

نائب وزیرِ اعظم و وزیرِ خارجہ سینیٹر محمد اسحاق ڈار نے قطر کے وزیرِ مملکت برائے خارجہ امور محمد بن عبدالعزیز الخلیفی سے ٹیلیفونک رابطہ کیا۔

یہ بھی پڑھیں: پاکستان قطر کے ساتھ اپنے برادرانہ تعلقات کو بہت اہمیت دیتا ہے، وزیر اعظم

گفتگو میں دونوں رہنماؤں نے خطے کی بدلتی ہوئی صورتحال اور باہمی دلچسپی کے امور پر تبادلہ خیال کیا گیا۔

دفتر خارجہ کے ترجمان کے مطابق دونوں رہنماؤں نے اس بات پر زور دیا کہ علاقائی چیلنجز سے نمٹنے کے لیے مذاکرات اور سفارتی روابط کو مزید مضبوط بنانا ضروری ہے۔

Deputy Prime Minister / Foreign Minister Senator Mohammad Ishaq Dar @MIshaqDar50 spoke today by with Qatar’s Minister of State for Foreign Affairs, Dr. Mohammed bin Abdulaziz Al-Khulaifi @Dr_Al_Khulaifi.

They exchanged views on the evolving regional situation and agreed to stay… pic.twitter.com/20yMQD09eU

— Ministry of Foreign Affairs – Pakistan (@ForeignOfficePk) February 28, 2026

گفتگو کے دوران قطری وزیرِ مملکت نے پاکستان کے تعمیری کردار اور خطے میں جاری سفارتی کوششوں کو سراہا۔

نائب وزیرِ اعظم و وزیرِ خارجہ اسحاق ڈار نے پاکستان کے اس عزم کا اعادہ کیا کہ ملک خطے اور اس سے باہر امن، استحکام اور خوشحالی کے مشترکہ اہداف کے فروغ کے لیے اپنی کوششیں جاری رکھے گا۔

مزید پڑھیں: انطالیہ ڈپلومیسی فورم میں پاکستان، ترکیہ اور قطر کی اہم سہ فریقی ملاقات

دونوں رہنماؤں نے اس بات پر اتفاق کیا کہ خطے میں پائیدار امن کے حصول کے لیے مسلسل رابطہ اور تعاون ناگزیر ہے۔