امریکی صدر ڈونلڈ ٹرمپ نے امریکا اور ایران کے میڈیا پر سخت تنقید کی ہے۔
سوشل میڈیا پلیٹ فارم ٹروتھ سوشل پر ایک بیان میں انہوں نے کہاکہ اگر ایران مکمل طور پر ہتھیار ڈال دے، اپنی بحریہ اور فضائیہ کی تباہی تسلیم کرے، اور اس کی فوج ہتھیار پھینک کر سفید جھنڈا لہراتے ہوئے سرنڈر کر دے، جبکہ قیادت باضابطہ طور پر شکست کی دستاویزات پر دستخط بھی کر دے، تو بھی بعض میڈیا ادارے اس صورتحال کو بھی ایران کی فتح کے طور پر پیش کریں گے۔
ڈونلڈ ٹرمپ نے اپنے بیان میں بعض امریکی میڈیا کے کچھ اداروں کو جعلی خبریں پھیلانے والا قرار دیا۔
انہوں نے ڈیموکریٹک جماعت اور میڈیا کے ایک حصے پر الزام لگاتے ہوئے کہا کہ وہ حقائق کے برعکس بیانیہ تشکیل دیتے ہیں اور ان کے مطابق یہ رویہ مکمل طور پر گمراہ کن ہے۔
