چین کے سفیر جیانگ زی ڈونگ نے اسلام آباد میں وزیرِ اعظم محمد شہباز شریف سے ایک اہم ملاقات کی ہے، جس میں دونوں ممالک کے مابین اسٹریٹجک اور اقتصادی روابط کو مزید مضبوط بنانے پر غور کیا گیا۔
وزیرِ اعظم ہاؤس کی جانب سے جاری کردہ سرکاری اعلامیے کے مطابق ملاقات کے دوران پاکستان اور چین کے مابین دیرینہ دوطرفہ تعلقات، سی پیک کے تحت جاری منصوبوں اور باہمی دلچسپی کے اہم علاقائی و عالمی امور پر تفصیلی گفتگو کی گئی۔
Chinese Ambassador to Pakistan H.E Jiang Zaidong called on Prime Minister Muhammad Shehbaz Sharif in Islamabad on 18 May 2026. Bilateral relations between Pakistan and China were discussed in the meeting. pic.twitter.com/rWINsIgrLI
— Prime Minister's Office (@PakPMO) May 18, 2026
وزیرِ اعظم شہباز شریف نے اس موقع پر پاک چین دوستی کی منفرد اور لازوال نوعیت کو سراہتے ہوئے ہر مشکل گھڑی میں پاکستان کا ساتھ دینے پر چینی قیادت کا شکریہ ادا کیا۔
چینی سفیر جیانگ زی ڈونگ نے اس موقع پر دونوں ممالک کے درمیان اقتصادی اور سفارتی تعاون کو نئی بلندیوں تک لے جانے کے عزم کا اعادہ کیا۔
دونوں رہنماؤں نے مختلف شعبوں میں جاری مشترکہ منصوبوں کی پیشرفت پر اطمینان کا اظہار کیا اور مستقبل میں اسٹریٹجک شراکت داری کو مزید وسعت دینے پر اتفاق کیا۔
