امریکی صدر ڈونلڈ ٹرمپ نے کہا ہے کہ وہ ایران کو کسی بھی قسم کی رعایت دینے کے لیے تیار نہیں۔
نیویارک پوسٹ کو دیے گئے انٹرویو میں ڈونلڈ ٹرمپ نے ایران کی جانب سے امن معاہدے سے متعلق تازہ ردعمل کو مایوس کن قرار دیتے ہوئے کہاکہ وہ ایران کے ساتھ کسی بھی نرمی کے موڈ میں نہیں ہیں۔
President Trump told me he is “not open” to any concessions for Tehran after receiving the latest disappointing Iranian response on peace deal talks — and in an ominous foreshadowing, he said Iran knows “what’s going to be happening soon.”
— Caitlin Doornbos (@CaitlinDoornbos) May 18, 2026
انہوں نے کہا کہ ایران کو جلد پتا چل جائےگا کہ کیا ہونے والا ہے۔
واضح رہے کہ گزشتہ روز صدر ٹرمپ نے ایران کو سخت وارننگ دیتے ہوئے کہا ہے کہ تہران کے لیے وقت تیزی سے ختم ہو رہا ہے اور اسے فوری اقدامات کرنا ہوں گے۔
صدر ٹرمپ نے اپنے سوشل میڈیا پلیٹ فارم ٹروتھ سوشل پر جاری بیان میں کہاکہ ایران کو بہت تیزی سے آگے بڑھنا ہوگا، ورنہ ان کے پاس کچھ نہیں بچے گا، وقت انتہائی اہم ہے۔
واضح رہے پاکستان امریکا اور ایران کے درمیان مذاکرات کے دوسرے دور کے لیے بھرپور سفارتکاری کررہا ہے۔
اس سے قبل ایران اور امریکا کے نمائندوں کے درمیان اسلام آباد میں مذاکرات کا ایک دور ہو چکا ہے، جس میں کسی حتمی معاہدے پر اتفاق نہیں ہو سکا تھا۔
وزیراعظم پاکستان شہباز شریف نے گزشتہ روز ایک انٹرویو میں کہا تھا کہ وہ امریکا اور ایران کے درمیان مذاکرات کے دوسرے دور اور خطے میں مکمل امن کے لے پرامید ہیں، اور اس کے لیے کوششیں جاری ہیں۔
