اسلام آباد کی مقامی عدالت نے سوشل میڈیا انفلوئنسر ثنا یوسف قتل کیس میں مرکزی ملزم عمر حیات کو سزائے موت سنا دی۔ عدالت نے مجرم پر 20 لاکھ روپے جرمانہ بھی عائد کیا ہے۔
وفاقی دارالحکومت اسلام آباد کی ایک مقامی عدالت نے سوشل میڈیا انفلوئنسر ثنا یوسف قتل کیس کا فیصلہ سناتے ہوئے مرکزی ملزم عمر حیات کو سزائے موت سنا دی۔
عدالت نے اپنے فیصلے میں مجرم پر 20 لاکھ روپے جرمانہ بھی عائد کیا۔
ثنا یوسف قتل کیس کی سماعت کے دوران استغاثہ اور وکلائے صفائی کے دلائل مکمل ہونے کے بعد عدالت نے محفوظ فیصلہ سنایا۔
عدالتی فیصلے کے مطابق عمر حیات کو قتل کے جرم میں سزائے موت دی گئی، جبکہ دیگر قانونی دفعات کے تحت بھی سزا اور جرمانے عائد کیے گئے۔
یہ کیس سوشل میڈیا پر خاصی توجہ کا مرکز بنا رہا، جہاں مقتولہ ثناء یوسف کی ہلاکت پر عوامی اور سماجی حلقوں میں شدید ردِعمل دیکھنے میں آیا تھا۔
