وزیراعظم شہباز شریف اور عوامی جمہوریہ چین کے وزیراعظم لی چیانگ نے بیجنگ میں پاکستان اور چین کے درمیان متعدد معاہدوں، مفاہمتی یادداشتوں (ایم او یوز)، پروٹوکولز اور تعاون سے متعلق دستاویزات پر دستخط اور ان کے تبادلے کی تقریب میں شرکت کی۔
مزید پڑھیں: اسٹاک ایکسچینج میں زبردست تیزی، انڈیکس میں 3600 پوائنٹس سے زائد اضافہ
وزیراعظم آفس کے میڈیا ونگ کے مطابق یہ معاہدے تجارت، سرمایہ کاری، زراعت، سائنس و ٹیکنالوجی، موسمیاتی تبدیلی، تعلیم، میڈیا اور عوامی روابط سمیت مختلف شعبوں میں دوطرفہ تعاون کے فروغ سے متعلق ہیں۔
دستخط شدہ دستاویزات میں تعلیمی تعاون اور تبادلوں سے متعلق ایگزیکٹو پروگرام، خشک میوہ جات اور مکئی کی برآمدات کے لیے قرنطینہ اور نباتاتی صحت کے تقاضوں سے متعلق پروٹوکولز، زرعی شعبے میں ترقیاتی تعاون اور جانوروں کی ویکسینز سے متعلق لیٹر آف ایکسچینج شامل ہیں۔
دونوں ممالک نے اقتصادی ترقی، ماحولیات اور موسمیاتی تبدیلی کے شعبوں میں تعاون بڑھانے کے لیے بھی مفاہمتی یادداشتوں پر دستخط کیے۔
Prime Minister Muhammad Shehbaz Sharif met H.E. Premier Li Qiang in Beijing today. The meeting was held in the backdrop of the 75th anniversary of the establishment of diplomatic relations between Pakistan and China.@iamabidmalik @AmirSaeedAbbasi @KulAalam pic.twitter.com/aEAY0EtMwB
— Media Talk (@mediatalk922) May 25, 2026
علاوہ ازیں پاکستان نیشنل اسکول آف پبلک پالیسی اور چین کی نیشنل اکیڈمی آف گورننس کے درمیان، جبکہ پاکستان سائنس فاؤنڈیشن اور چائنا ایسوسی ایشن آف سائنس اینڈ ٹیکنالوجی کے درمیان بھی تعاون کی یادداشتوں کا تبادلہ ہوا۔
میڈیا کے شعبے میں Xinhua News Agency اور Pakistan Broadcasting Corporation کے درمیان مفاہمتی یادداشت جبکہ China Media Group اور Pakistan Television کے درمیان مشترکہ ڈاکیومنٹری پروڈکشن کے تعاون پر اتفاق ہوا۔
مزید پڑھیں: فیلڈ مارشل عاصم منیر نے امریکا اور ایرانی قیادت کے ساتھ رابطوں میں اہم کردار ادا کیا، وزیراعظم شہباز شریف
پاکستان اور چین نے آزاد تجارت اور کثیرالجہتی نظام کی حمایت سے متعلق مفاہمتی یادداشت پر بھی دستخط کیے، جبکہ چین کے صوبہ ژجیانگ اور پنجاب کے درمیان سسٹر-پروونس تعلقات قائم کرنے کا معاہدہ بھی طے پایا۔
Prime Minister Muhammad Shehbaz Sharif and Prime Minister of the People’s Republic of China Li Qiang witnessed signing and exchange of several agreements, Memoranda of Understanding, protocols, and cooperation documents between the two countries.@Hussainch242 @awaisReporter pic.twitter.com/BcmQeTn1Gm
— Media Talk (@mediatalk922) May 25, 2026
وزیراعظم شہباز شریف نے کہا کہ ان معاہدوں پر دستخط پاکستان اور چین کے بڑھتے ہوئے تعاون اور مضبوط دوطرفہ تعلقات کی عکاسی کرتے ہیں۔ یہ معاہدے اہم شعبوں میں نئے مواقع پیدا کریں گے اور دونوں ممالک کے عوام کی خوشحالی اور فلاح و بہبود میں مددگار ثابت ہوں گے۔
