عیدالاضحیٰ کے بعد اسلام آباد میں کاروباری سرگرمیوں کے اوقات کار دوبارہ محدود کر دیے گئے ہیں، اس ضمن میں ضلعی انتظامیہ نے نیا نوٹیفکیشن جاری کر دیا ہے۔
نوٹیفکیشن کے مطابق وفاقی دارالحکومت میں یکم جون سے کفایت شعاری اقدامات کے تحت دکانیں، بازار اور شاپنگ مالز رات 8 بجے بند کرنے ہوں گے۔
یہ بھی پڑھیں: مشرق وسطیٰ کشیدگی: حکومت نے کفایت شعاری مہم میں 13 جون تک توسیع کردی
اسی طرح شادی ہالز اور مارکیز کو بھی رات 10 بجے تک اپنی تقریبات ختم کرنا لازم ہوگا۔
حکام کے مطابق ریسٹورنٹس، بیکریوں اور کریانہ اسٹورز کو رات 10 بجے تک کاروبار جاری رکھنے کی اجازت ہوگی۔
The District Administration Islamabad has enforced revised business operating hours under ongoing austerity measures, effective today (1 June 2026). Markets, shops and shopping malls will close at 8:00 PM, while restaurants, grocery stores, bakeries and other food outlets will… pic.twitter.com/gzTvUbwYlW
— DC Islamabad (@dcislamabad) June 1, 2026
جبکہ ٹیک اوے اور ہوم ڈیلیوری سروسز معمول کے مطابق جاری رہیں گی اور ان پر کسی قسم کی پابندی عائد نہیں ہوگی۔
نوٹیفکیشن میں بعض شعبوں کو نئی پابندیوں سے مستثنیٰ قرار دیا گیا ہے۔ ان میں فارمیسیز، پیٹرول پمپس، سی این جی اسٹیشنز، ڈیری شاپس، جم، اسپورٹس فیسلٹیز اور پیڈل کورٹس شامل ہیں۔
مزید پڑھیں: کفایت شعاری مہم کی نگرانی، وزیراعظم نے آئی بی کو اہم ذمہ داری سونپ دی
مزید برآں بین الاقوامی کلائنٹس کے ساتھ کام کرنے والے کال سینٹرز اور آئی ٹی کمپنیوں کو بھی استثنیٰ دیا گیا ہے۔
نوٹیفکیشن کے مطابق یہ احکامات یکم جون سے نافذ العمل ہوں گے اور اگلے احکامات جاری ہونے تک برقرار رہیں گے۔
