معروف گلوکارہ طاہرہ سید نے سوشل میڈیا پر اپنے انتقال سے متعلق گردش کرنے والی خبروں کو بے بنیاد قرار دیتے ہوئے ویڈیو پیغام کے ذریعے ان کی تردید کر دی۔
سوشل میڈیا پر گزشتہ روز یہ افواہیں گردش کر رہی تھیں کہ طاہرہ سید کا امریکی شہر ڈیلاس میں انتقال ہو گیا ہے۔ ان خبروں کے پھیلتے ہی ان کے اہلخانہ کو تعزیت اور اظہارِ افسوس کے لیے متعدد فون کالز موصول ہونا شروع ہو گئیں۔
حکومت کو طاہرہ سید کی خدا نخواستہ وفات پر فیک نیوز چلانے والوں کے خلاف ایکشن لینا چاہیے۔ ان کو میڈیا کے لیے پیغام pic.twitter.com/QC1saLcKYB
— Amir Mateen (@AmirMateen2) June 1, 2026
ذرائع کے مطابق جب افواہوں کا دائرہ وسیع ہوا اور کالز کا سلسلہ بڑھ گیا تو طاہرہ سید نے خود ویڈیو پیغام جاری کر کے صورت حال واضح کرنے کا فیصلہ کیا۔
اپنے پیغام میں انہوں نے کہا کہ ان کی صحت سے متعلق پھیلائی جانے والی خبریں درست نہیں ہیں اور وہ بالکل خیریت سے ہیں۔ طاہرہ سید کا کہنا تھا کہ وہ اس وقت نیویارک میں مقیم ہیں اور اچھی اور صحت مند زندگی گزار رہی ہیں۔
انہوں نے اپنی صحت اور خیریت کے لیے دعائیں کرنے والے مداحوں اور چاہنے والوں کا شکریہ ادا کیا۔
