وفاقی حکومت نے پیٹرولیم مصنوعات کی قیمتوں میں ردوبدل کا اعلان کردیا۔
وزارتِ توانائی کے پیٹرولیم ڈویژن کی جانب سے جاری نوٹیفکیشن کے مطابق پیٹرول کی قیمت 381 روپے 78 پیسے فی لیٹر سے کم ہو کر 377 روپے 78 پیسے فی لیٹر مقرر کر دی گئی ہے۔
نوٹیفکیشن کے مطابق ہائی اسپیڈ ڈیزل کی قیمت میں کوئی تبدیلی نہیں کی گئی اور یہ 380 روپے 78 پیسے فی لیٹر پر برقرار رہے گی۔
وزارتِ توانائی کا کہنا ہے کہ عالمی منڈی کے رجحانات اور مقامی عوامل کو مدنظر رکھتے ہوئے پیٹرولیم مصنوعات کی قیمتوں میں نظرثانی کی گئی ہے۔
حکومتی فیصلے کے نتیجے میں عوام کو پیٹرول کی قیمت میں 4 روپے فی لیٹر ریلیف ملے گا، تاہم ڈیزل استعمال کرنے والے شعبوں کے لیے قیمت میں کوئی تبدیلی نہیں کی گئی۔
