اسلام آباد کے سیکٹر آئی-8 میں آوارہ کتوں کی بڑھتی ہوئی تعداد نے شہریوں میں شدید تشویش پیدا کر دی ہے۔ مقامی افراد کا کہنا ہے کہ گلی محلوں میں آوارہ کتوں کے جھنڈ آزادانہ گھوم رہے ہیں جس کے باعث روزمرہ آمد و رفت میں مشکلات اور خوف کا سامنا ہے۔
صحافی انصار عباسی نے ویڈیو پوسٹ کرتے ہوئے کہا کہ اگر کسی قسم کا ناخوشگوار واقعہ پیش آتا ہے تو اس کی ذمہ داری کس پر عائد ہوگی؟ انتظامیہ پر، جانوروں کے حقوق کے اداروں پر یا عدالت پر؟
خطرہ!!
اسلام آباد کے I-8 سیکٹر میں آوارہ کتے انسانی جانوں کے لیے بڑا خطرہ! آج کی وڈیو حاضر ہے. کسی حادثہ کی صورت میں ذمہ داری کس کی ہو گی؟ انتظامیہ کی یا animal rights والوں اور عدالتوں کی؟؟@CMShehbaz @CDAthecapital pic.twitter.com/zOHhwfdtrW
— Ansar Abbasi (@AnsarAAbbasi) June 9, 2026
کئی شہریوں نے مؤقف اختیار کیا ہے کہ متعدد بار شکایات کے باوجود متعلقہ اداروں کی جانب سے مستقل بنیادوں پر کوئی مؤثر حکمت عملی نظر نہیں آئی۔
علاقہ مکینوں نے مطالبہ کیا ہے کہ شہریوں کے تحفظ کو یقینی بنانے کے لیے فوری اور مستقل اقدامات کیے جائیں تاکہ کسی ممکنہ حادثے سے بچا جا سکے اور عوام کو محفوظ ماحول فراہم کیا جا سکے۔
