برطانیہ میں اس وقت ایک معمولی سا 50 پینس (50p) کا سکہ سوشل میڈیا اور سکے جمع کرنے والوں کے درمیان شدید توجہ کا مرکز بنا ہوا ہے، جس کی قیمت مارکیٹ میں تیزی سے بڑھ رہی ہے۔
یہ ‘اٹلانٹک سیمن’ نامی خصوصی 50 پینس کا سکہ ہے، جسے 2023 کے آخر میں شاہ چارلس سوم کی تاجپوشی کے سال کی مناسبت سے جاری کیا گیا تھا۔
یہ بھی پڑھیں: پاک چین دوستی کے 75 سال: پاکستان 75 روپے کا خصوصی سکہ جاری کرے گا
اس سکے پر ایک طرف شاہ چارلس کی تصویر ہے اور دوسری طرف نایاب نسل کی اٹلانٹک سیمن مچھلی بنی ہوئی ہے، جو ماحولیات اور برطانوی دریاؤں کی صفائی کی اہمیت کو ظاہر کرتی ہے۔
ماہرین کے مطابق یہ سکہ اس وقت برطانیہ میں گردش کرنے والا سب سے نایاب ترین سکہ بن چکا ہے کیونکہ مارکیٹ میں ایسے صرف 200,000 سکے ہی جاری کیے گئے تھے۔
اس نے گزشتہ 15 سال سے سب سے نایاب سکے کا اعزاز رکھنے والے ‘کیو گارڈنز’ (Kew Gardens) کے سکے کو بھی پیچھے چھوڑ دیا ہے، جس کی تعداد 210,000 تھی۔
یہ بھی پڑھیں: برطانوی کرنسی کی تاریخ کا اہم باب بند: ملکہ الزبتھ کی تصویر والا آخری سکہ جاری
ای بے (eBay) اور دیگر آن لائن پلیٹ فارمز پر اس سکے کی مانگ میں اچانک زبردست اضافہ دیکھا جا رہا ہے اور لوگ اسے عام ریزگاری میں تلاش کر رہے ہیں تاکہ اسے مہنگے داموں فروخت کرسکیں۔
