وزارتِ اطلاعات و نشریات نے افغان طالبان کی جانب سے خیبر پختونخوا اور بلوچستان کے سرحدی علاقوں میں داعش (آئی ایس کے پی) کے مبینہ ٹھکانوں کو ڈرون حملوں کا نشانہ بنانے کے دعووں کو مسترد کرتے ہوئے انہیں بے بنیاد اور گمراہ کن قرار دیا ہے۔
یہ بھی پڑھیں: اسلامی حکومت یا وسائل کی لوٹ مار؟ افغان طالبان کے اندر اقتدار کی خونریز کشمکش سامنے آگئی
وزارتِ اطلاعات کی جانب سے جاری فیکٹ چیک بیان میں کہا گیا ہے کہ افغان طالبان حکومت مختلف پروپیگنڈا ذرائع اور سرکاری بیانات کے ذریعے یہ تاثر دینے کی کوشش کر رہی ہے کہ اس نے خیبر پختونخوا اور بلوچستان کے سرحدی علاقوں میں موجود مبینہ داعش کیمپوں کو ابتدائی نوعیت کے ڈرونز کے ذریعے نشانہ بنایا، تاہم یہ دعوے حقائق کے منافی ہیں۔
*𝐅𝐚𝐜𝐭 𝐂𝐡𝐞𝐜𝐤 | 𝐌𝐢𝐧𝐢𝐬𝐭𝐫𝐲 𝐨𝐟 𝐈𝐧𝐟𝐨𝐫𝐦𝐚𝐭𝐢𝐨𝐧 & 𝐁𝐫𝐨𝐚𝐝𝐜𝐚𝐬𝐭𝐢𝐧𝐠*
◼️The Afghan Taliban regime through their various propaganda mouthpieces and official statements are claiming to have targeted some alleged ISKP camps in border areas of Khyber… pic.twitter.com/xyzutM6O3A— Fact Checker MoIB (@FactCheckerMoIB) June 19, 2026
بیان کے مطابق داعش سمیت 2 درجن سے زائد دہشتگرد تنظیموں کے ٹھکانے افغانستان کے اندر طالبان حکومت کے زیرِ کنٹرول علاقوں میں موجود ہیں، جہاں سے ان کی سرگرمیاں جاری ہیں۔
وزارتِ اطلاعات کا کہنا ہے کہ ہمسایہ ممالک اور خطے میں دہشتگردی کی سرپرستی سے توجہ ہٹانے کے لیے طالبان حکومت اس نوعیت کے بیانات جاری کرتی رہی ہے۔
Local residents in Khyber district near the Pakistan-Afghanistan International Border have recovered crashed drones that were launched from inside Afghanistan’s territory.
The suicide drones were brought down via soft-kill (electronic attack) systems of the Pakistan Armed… pic.twitter.com/wXC7q6iHzX
— The STRATCOM Bureau (@OSPSF) June 19, 2026
وزارت نے مزید کہا کہ حقیقت یہ ہے کہ طالبان حکومت کا ایک ابتدائی نوعیت کا ڈرون خیبر کے علاقے شینکو کے قریب پاکستانی فضائی حدود میں داخل ہوا تھا، جسے پاکستان ایئر فورس کے مستعد فضائی دفاعی نظام نے فوری طور پر شناخت کر کے ناکارہ بنا دیا۔
مزید پڑھیں: بنوں حملہ: شواہد افغانستان سے جڑے ہیں، دفتر خارجہ کی افغان طالبان کو وارننگ
وزارتِ اطلاعات کے مطابق یہ واقعہ اس بات کا ثبوت ہے کہ پاکستان کی فضائی نگرانی اور دفاعی صلاحیتیں ہر قسم کی دراندازی کا مؤثر جواب دینے کی مکمل صلاحیت رکھتی ہیں۔
