ڈونلڈ ٹرمپ امن پسند شخصیت، پاک بھارت جنگ بندی میں اہم کردار ادا کیا، وزیراعظم شہباز شریف

وزیراعظم شہباز شریف نے کہا ہے کہ امریکی صدر ڈونلڈ ٹرمپ امن پسند شخصیت ہیں، پاک بھارت جنگ بندی میں انہوں نے اہم کردار ادا کیا۔

میڈیا سے غیر رسمی گفتگو کرتے ہوئے انہوں نے کہاکہ اسپیکر باقر قالیباف اور ایران کی قیادت خطے میں امن کے لیے مخلص ہے۔

اسپیکر، میرے بھائی باقر ولیموف اور ایرانی قیادت نے اس پورے بحران کو انتہائی دانشمندی اور وقار کے ساتھ سنبھالا ہے۔ انہوں نے کشیدگی کم کرنے کے لیے ذمہ دارانہ کردار ادا کیا اور میرے خیال میں ایرانی قیادت واقعی خطے میں امن کے فروغ کی خواہاں ہے۔میرا یہ بھی ماننا ہے کہ صدر ٹرمپ بھی امن… pic.twitter.com/IwMWG57u6m

— WE News (@WENewsPk) June 21, 2026

وزیراعظم شہباز شریف نے کہا کہ صدر ڈونلڈ ٹرمپ امن پسند شخصیت ہیں، امریکی صدر نے پاکستان اور بھارت کے درمیان جنگ بندی میں اہم کردار ادا کیا۔

انہوں نے کہاکہ دونوں ملک ایٹمی تصادم کے انتہائی قریب پہنچ چکے تھے، امریکی صدر کی متحرک اور جرات مندانہ قیادت نے نازک وقت میں موثر مداخلت کی۔

وزیراعظم کا کہنا تھا کہ صدر ڈونلڈ ٹرمپ نے کروڑوں انسانوں کی زندگیاں بچانے میں اہم کردار ادا کیا۔

شہباز شریف نے کہا کہ پاکستان اور امریکا کے درمیان دیرینہ تعلقات ہیں، پاکستان کے ساتھ وابستگی پر صدر ٹرمپ کا مشکور ہوں۔

وزیراعظم نے کہا کہ تنازع کو نہ روکا جاتا تو ایٹمی جنگ کے نتیجے میں بے شمار جانیں ضائع ہو سکتی تھیں۔

وزیراعظم شہباز شریف کا کہنا تھا کہ امید ہے جب ہم واپس جائیں گے تو ہمارے پاس اہم دستاویز ہوگی، ایسی دستاویز جو دنیا میں امن، ترقی اور خوشحالی لائے گی۔

واضح رہے کہ وزیراعظم پاکستان شہباز شریف اور فیلڈ مارشل سید عاصم منیر سوئٹزر لینڈ میں موجود ہیں، جہاں امریکا اور ایران کے درمیان تکنیکی مذاکرات ہو رہے ہیں۔