سوئٹزرلینڈ میں امریکا اور ایران کے درمیان مذاکرات کے پہلے دور میں پیشرفت اور ایرانی تیل کی برآمدات کے لیے رعایتوں کے اعلان کے بعد عالمی منڈی میں خام تیل کی قیمتوں میں کمی آ گئی۔
مزید پڑھیں: آئل ٹینکر پر قزاقوں کا قبضہ، یرغمال عملے میں 11 پاکستانی بھی شامل
برینٹ خام تیل کی قیمت 1.53 ڈالر یا قریباً 1.9 فیصد کم ہو کر 79.04 ڈالر فی بیرل پر آ گئی، جبکہ امریکی خام تیل (WTI) بھی 76.53 ڈالر فی بیرل تک گر گیا۔
ایرانی وزیر خارجہ عباس عراقچی نے کہا کہ ایران کو تیل اور پیٹروکیمیکل مصنوعات کی برآمدات، منجمد اثاثوں کی جزوی واپسی اور تعمیرِ نو کے منصوبوں کے لیے اہم رعایتیں حاصل ہوئی ہیں۔
تجزیہ کاروں کے مطابق امریکا اور ایران کے درمیان اعلیٰ سطحی کمیٹی کے قیام پر اتفاق نے منڈیوں میں سپلائی سے متعلق خدشات کم کر دیے ہیں، تاہم خطے میں کشیدگی کے دوبارہ بھڑکنے کے خطرات بدستور موجود ہیں۔
مزید پڑھیں:اسٹاک مارکیٹ میں مثبت رجحان برقرار، سرمایہ کاروں کا اعتماد مزید مضبوط
دوسری جانب عراق، متحدہ عرب امارات اور کویت نے بھی تیل کی اضافی فراہمی کی پیشکش کی ہے، جس سے عالمی منڈی میں رسد بڑھنے کی توقعات مضبوط ہوئی ہیں۔
