پاکستان نے سمندر میں برطانوی جہاز کی جانب سے ریسکیو کیے گئے 8 ایرانی ماہی گیروں کی اپنے وطن واپسی کامیابی سے مکمل کرا دی۔ یہ ماہی گیر کراچی سے ایران کے لیے روانہ ہوگئے۔
ترجمان دفتر خارجہ کے مطابق ان ماہی گیروں کی کشتی سمندر میں حادثے کا شکار ہو کر پھنس گئی تھی، جس کے بعد برطانوی بحری جہاز نے انہیں بحفاظت بچایا تھا۔
Glad to share that the eight (8) Iranian fishermen rescued at sea by the British vessel MMA Valour after their boat ran aground have been successfully repatriated and departed from Karachi for Iran this morning.
Ministry of Foreign Affairs of Pakistan and all concerned…
— Ishaq Dar (@MIshaqDar50) June 22, 2026
دفتر خارجہ کے مطابق پاکستان کی وزارت خارجہ اور دیگر متعلقہ اداروں نے ایرانی اور برطانوی حکام کے ساتھ قریبی رابطہ رکھتے ہوئے ایرانی شہریوں کی محفوظ آمدورفت اور جلد از جلد وطن واپسی کے لیے مؤثر اقدامات کیے۔
پاکستان نے اس معاملے میں ایرانی شہریوں کی دیکھ بھال اور واپسی کی ذمہ داری سونپنے پر ایران کی جانب سے کیے گئے اعتماد کو سراہتے ہوئے کہاکہ تمام متعلقہ فریقوں کے تعاون سے آٹھوں ایرانی ماہی گیروں کی محفوظ وطن واپسی ممکن بنائی گئی۔
